web counter
LEXO PA REKLAMA!

SHKARKO APP

App Store
Google Play

Ultimatumi i Erdogan me BE-në/ Të na thonë çfarë do bëjnë me ne, ndryshe do kalojmë në planin B

12 Korrik 2017, 08:43, Aktualitet CNA

Në një intervistë të dhënë për BBC-në, presidenti turk Erdogan, ka hedhur akuza mbi Bashkimin Europian. Sipas tij, Turqia po humb kohë duke pritur që BE-ja ta pranojë, prandaj edhe ata duhet ta ndajnë mendjen. Për presidentin turk nuk do të ishte problem edhe nëse ata nuk do pranonin anëtarësimin e Turqisë në BE.

?Ne jemi ende në pritje për të parë se çdo të bëhet, në lidhje me antarësimin tonë në BE. Kjo pritje po na humb kohën, ndaj do të ngushëlloheshim edhe sikur të na thonin se nuk janë në gjendje të pranojnë Turqinë në Bashkimin Europian. Pastaj, ne do të fillojmë me planin tonë B dhe C?, u shpreh presidenti turk.

Erdogan tha se pritja do të vazhdojë edhe për pak kohë, duke parë që edhe turqit janë lodhur me BE-në.

?Shumica e turqve nuk e duan më BE-në dhe besojnë se qasja e saj ndaj Turqisë është jo e sinqertë. Gjithsesi, ne do të vazhdojmë të jemi të sinqertë me BE-në edhe për pak kohë, në pritje të një përgjigjeje finale prej tyre?, u shpreh Erdogan.

Presidenti i Turqisë tha se nuk ishte e vërtetë që kishte arrestuar gazetarë, sipas tij vetëm 2 persona janë në burg dhe jo për shkak të profesionit.

?Të jemi korrektë. Askush nuk është burgosur për gazetari në Turqi. Nuk është e vërtetë se janë burgosur 150 gazetarë, madje mund t?ju them se vetëm 2 njerëz me kartëvizita shtypi janë në burg, por edhe ata nuk janë burgosur prej të bërit gazetari?, tha Erdogan për BBC./CityNews





Lajmet e fundit nga