Ekskluzive/Lefter Maliqi nxjerr një tjetër mashtrim/ Ja çfarë i premtoi Lulzim Basha

12 Korrik 2017, 08:30, Aktualitet CNA

Lefter Maliqi, ish-deputeti i Partisë Demokratike dhe kandidati i tretë garues i listës së Qarkut të Beratit në zgjedhjet e përgjithëshme parlamentare të 25 qershorit, i dorëhequr nga gara për shkak të pakënaqësisë së lindur nga mashtrimi që i bëri kryetari sakaq i vetëngrirë, Lulzim Basha, ka nxjerr edhe një sekret të pathënë më parë.

I prononcuar ekskluzivisht për CityNews, Maliqi ka pohuar se edhe ndaj tij kryetari Basha ka aplikuar të njejtën metodë mashtrimi për ta bindur të jetë pjesë formale e listës dhe jo potencial për ti dhenë PD-së një deputet më shumë.

Pasi përmend një seri zhgënjimesh të rrjedhura nga premtimet mashtruese të Lulzim Bashës, Lefter Maliqi ndalet tek ajo më e fundit, të cilën deri më tash e ka mbajtur të fshehur. Bëhet fjalë për një ofertë, për një premtim që do ti kënaqte të gjithë: Eduart Halimin, të parin e listës së Qarkut të Beratit, Astrit Veliajn, republikanin Ufo të konvertuar në demokratikas për hatër të dorovitjes, sikurse e figurativizon Maliqi, dhe që ishte i dyti i listës dhe vetë Maliqin.

?Pasi me vendosi të tretin në listë, Lulzim Basha m këshilloi se për këtë unë nuk duhej të mërzitesha pasi edhe sikur PD të merrte vetëm dy deputetë unë do të isha deputet nga që Eduart Halimi do të bëhej ministër dhe mandate i tij do të më takonte mua?, shprehet për CityNews Lefter Maliqi. Duke vijuar të pohojë se nuk e pranoi këtë pazar pasi, nga të tre kandidatët e parë të listës ai ishte i vetmi bir i Beratit. Madje në përforcim të faktit premtues Maliqi thotë se këtë version, pra qënien e tij deputet pasi Halimi të bëhej ministër, e ka artikuluar edhe vetë ky i fundit. Më së pari në mbledhjen e kryesisë së Degës së PD-së të Beratit, por edhe në rrethe konfidenciale ku i pranishëm ka qenë edhe vetë Lefter Maliqi.

?Ky ishte premtimi i fundit, që më bëri Lulzim Basha, me të cilin kisha patur edhe histori të tjera të ngjashme me fund mashtrimin dhe zhgënjimin. Dhe ishin pikërisht këto që më detyruan të largohem nga lista Basha, e theksoj nga lista Basha e jo nga Partia Demokratike, për t?ju bashkëngjitur Edi Ramës, së bashku me elektoratin tim, të cilin gjej rastin ta falenderoj thellesisht nga zemra. Dua ti them Lulzim Bashës të heq dorë nga mënyra që aplikon për ti përdorur të tjerët në favor të interesave dhe të pazareve të tija pasi kështu kur nuk do të jetë një drejtues i suksesshëm?, thotë Lefter Maliqi. Që nuk ngurron të përmend se rezultati i Beratit, ku me 17 % PD pësoj humbjen më të thellë historike, duke u rreshtuar force e trete me një mandat dhe me 5% më pak se LSI, është jo vetë rezultat dërrmues, por edhe shenja më e qartë e faktit se ku të shpie një mënyrë drejtimi e llojit Basha./CityNews