web counter
LEXO PA REKLAMA!

SHKARKO APP

App Store
Google Play

E fundit!

x

Anëtari i Kryesisë “shpërthen” ndaj Bashës/Akt i kobshëm, PD po degradon!

3 Korrik 2017, 21:24, Aktualitet CNA

Kreu i Departamentit të të Përndjekurve Politikë në PD, Tomor Alizoti, njëherazi anëtar i Kryesisë së PD-së, ka kritikuar hapur kreun aktual të PD, Lulzim Basha. alizoti tha se PD po degradon dhe se po bën një gabim, pasi po rizgjedh brenda dy javësh kryetarin e disfatës, duke iu referuar Lulzim Bashës.

?Ky vend eshte ndertuar mbi padrejtesinë, dhe me keqardhje po ju them se ne ketu jemi mbledhur ne menyre te padrejte. Jemi mbledhur per te bere te padrejtën te drejte. Si eshte e mundur që në një parti që i solli shqiptarëve lirinë dhe drejtësinë, sot pas kaq vitesh është kthyer në tempullin e padrejtësisë. Si eshtë e mundur që pas kësaj disfate totale, ne pas dy javësh rizgjedhim kryetarin e disfatës.

Unë e di pse po ndodh. Sepse ju jeni të padrejtë. Ky vend ka vuajtur gjithmonë nga udhëheqësit dhe liderët autokratë e të padrejtë. Që kjo parti të bëhet si gjithë Europa, që ka qenë parulla e themelit dhe kauza e PD, duhet të jetë e drejtë me veten, pastaj këtë drejtësi ta përcojë te gjithë shqiptarët?, është shprehur Alizoti.

Ai tha se një ndër arsyet pse kam qenë dhe jam anëtar i kësaj partie është se kam menduar që PD është në anën e drejtë të historisë.

?Sot me keqardhje vë re dhe shof makinacione dhe manipulime, që i përngjajnë asaj partie, që njerëzit, adhuruesit e PD e luftuan me jetë, shpirt dhe gjak edhe në ditët më të errëta të komunizimit.

Vendet e zhvilluara të botës, në themelin e shtetformimin të tyre kanë nderin e njeriut, vlerat e njeriut dhe drejtësinë e njeriut.

Ne do degradojmë edhe më shumë sepse sot kjo parti po bën aktin më të kobshëm, po legalizon të padrejtën?, përfundoi ai./CityNews





Lajmet e fundit nga