Studiuesi i kthehet ashpër Kadaresë/Zell i tepruar! Pse nuk the asnjë fjalë për Haradinajn?!

10 Maj 2017, 20:29, Aktualitet CNA

Një tjetër reagim i ashpër ka ardhur ndaj shkrimtarit Ismail Kadare, pas letrës që ai i dërgoi ambasadores së BE, Romana Vlahutin, ku i kërkonte ndjesë i ulur në gjunjë për shkrimin e gazetarit Kastriot Myftaraj.

Shkrimtari dhe studiuesi shqiptari, Behar Gjoka, shkruan se ky është një zell i tepruar i Kadaresë, i cili sipas tij, u përfshi në një situatë ku ende nuk është shpallur fajësia e Myftarajt.

Më tej, studiuesi shton se Kadare e di më mirë se kushdo tjetër marrëdhënien e fjalës me veprimin, ndaj dhe të flasësh para gjykatës në shtetin ligjor nuk është normale.

Ja reagimi i plotë:

Zelli i tepruar i Kadaresë
Akti i tretë i një marrëdhënie jo të qartë me fjalën, me peshën që ka ajo, ishte ndërhyrja e Kadaresë, duke u përfshirë në një situatë, ku ende nuk është shpallur fajësia e K. Myftarit, as nga prokuroria, e sidomos nuk ka një vendim gjykate. Ndërhyrja në këtë situatë pezull, që është paraprirë nga dy akte të tjera:
A ? Shkrimi i Myftarajt për Vllahutin, me të cilin nuk jam dakord në shumë gjëra, aq më tepër me termin fyes, por pjesa që ka të bëjë me të drejtën e fjalës së lirë, duhet parë me qetësi dhe të jepet gjykimi nga organet kompente.
B ? Ndalimi në mesnatë nga ana e policisë së shtetit e Myftarajt. Të kërkosh ndjesë është njerëzore, por kur nuk ka një vendim gjykate, fjala duket pak si tepër. Është në proces kjo situate. Fjala eshtra nuk ka po eshtra thyen, thotë populli yne. Kush me shumë se Kadare e di këtë marrëdhënie të fjalës me veprimin. Të flasësh para gjykatës, në shtetin ligjor, nuk është normale. Aq më tepër që tipika e adresimit me letër, si dikur në monizëm, lë një shije mjegulle dhe shton zellin e panevojshëm? Letra është shkruar në Paris. Në Francën që mbajti të ndaluar Ramush Haradinaj me muaj të tërë. Kadare për këtë rast nuk tha asnjë fjalë. Haradinaj është heroi i shqiptarëve. Vllahutin, duhet respektuar, për detyrën, por jo për një përpjekje, ka zëra të cilët duhen konfirmuar, se projekti i Jugosllavisë demokratike, me Shqipërinë republikë të saj, është në tryezën e dashakëqinjëve të kombit shqiptar. Të flasësh para kohe, është si të flasësh me vonesë, e në këto rrethana të një mjegulle, që shtohet me përmasa të jashtëzakonshme, mirë do të ishte heshtja, deri kur të ketë një vendim gjykate?/CityNews