web counter
LEXO PA REKLAMA!

SHKARKO APP

App Store
Google Play

E fundit!

x

Shpërthen Basha/Ja e vërteta e regjistrimit të një subjekti zgjedhor

1 Maj 2017, 18:27, Aktualitet CNA

Kryetari i Partisë Demokratike, Lulzim Basha në një postim në rrjetet sociale ditën e sotme ka risjellë edhe njëherë skemën e monizmit që ka përdorur dikur Ramiz Alia.

Basha në reagimin e tij thotë se pikërisht kjo skemë është aktualizuar në Shqipërinë e sotme nga Edi Rama sepse në fakt në zgjedhje sipas Bashës është regjistruar vetëm një subjekt zgjedhor.

“E vërteta e thjeshtë është se për votime është regjistruar vetëm një subjekt zgjedhor: koalicioni i 2015-ës që është ende në pushtet. Madje edhe koalicioni nuk është i plotë, pasi disa bishta mbetën rrugës, në pazare e sipër.

Tani, ky subjekt i vetëm po përpiqet t?i hedhë hi syve shqiptarëve dhe të huajve duke u shtirur sikur janë 17 subjekte. Por është një dhe vetëm një: koalicioni i turpit, koalicioni i vjedhjes, koalicioni i abuzimit, koalicioni i drogës dhe i krimit me në krye Edi Ramën dhe mercenarët e tij.

Por shqiptarët nuk mashtrohen. Monizëm në Shqipëri nuk ka për të pasur më, me asnjë çmim, në asnjë formë. Sot nuk mund të përsëritet dot më skema e Ramiz Alisë, që pretendoi zgjedhje ?pluraliste? me Partinë e Punës, Frontin Demokratik e Bashkimin e Grave, deri sa studentët, intelektualët dhe qytetarët e Lëvizjes së Dhjetorit e ndalën maskaradën e tij. Shqiptarët e kanë lënë pas diktaturën dhe do dinë të mbrojnë pluralizmin dhe të drejtën e tyre për votë të lirë. #NgrihemiBashkë #ZgjedhjeTeLira #RepublikaeRe“, përfundoi Basha.

Pak më parë ndaj vendimit të Bashës që Partia Demokratike të mos regjistrohet përfundimisht në zgjedhje kanë reaguar disa zëra shumë të rëndësishëm demokratë. Majlinda Bregu, Jozefina Topalli dhe Eduart Selami i kërkuan Bashës që të reflektonte në vendimin e marrë./CityNews





Lajmet e fundit nga