web counter
LEXO PA REKLAMA!

SHKARKO APP

App Store
Google Play

Pas Bregut shpërthen një tjetër deputet i PD kundër Bashës/E përdori çadrën në dëm të PD dhe Shqipërisë

1 Maj 2017, 15:00, Aktualitet CNA

Deputeti i Partisë Demokratike Eduart Selami, ditën e sotme në një intervistë për VOA ka folur kundër vendimit të Bashës për të mos u regjistruar në zgjedhje.

Në fjalën e tij Selami tha se vendimi i Bashës është shumë i dëmshëm për Shqipërinë dhe për Partinë Demokratike.

?Kam vënë re që zoti Basha e përdori çadrën jo më për një protestë paqësore, por fatkeqësisht me një retorikë populiste dhe me një gjuhë të papërshtatshme, e përdori për të anashkaluar institucionet dhe më keq akma për të bojkotuar parlamentin në një moment shumë të rëndësishëm që është reforma në drejtësi që është e lidhur me rrugën integruese të Shqipërisë në Europë. Dhe më tej akoma në një retorikë të paprecedentë për të bllokuar dhe për të mos marrë pjesë në zgjedhje, e cila është mjaft e dëmshme për Shqipërinë, për PD dhe për çështjen shqiptare?, përfundon Selami.

Më herët ka qenë deputetja e Partisë Demokratike, Majlinda Bregu ajo që ka shpërthyer kundër Bashës, duke treguar në rrjetet sociale publikisht se vendimet e fundit të Bashës janë marrë pa u konsultuar me Grupin Parlamentar të Partisë Demokratike./CityNews





Lajmet e fundit nga