web counter
LEXO PA REKLAMA!

SHKARKO APP

App Store
Google Play

E fundit!

x

Dy gratë që po trondisin Lulzim Bashën

1 Maj 2017, 15:46, Aktualitet CNA

Dy ditë më parë ka skaduar afati përfundimtar i regjistrimit të kandidatëve të partive politike në zgjedhje dhe opozita shqiptare, më në krye kryetarin e Partisë Demokratike, Lulzim Basha, përfundimisht ka vendosur që të mos jenë pjesë e zgjedhjeve të përgjithshme të 18 qershorit.

Mirëpo pas këtij vendimi ultimativ të Bashës nuk qëndron e gjithë Partia Demokratike. Dy zëra mjaft të rëndësishëm, brenda kësaj force politike, kanë folur ditën e sotme publikisht kundër vendimeve të Bashës.

Deputetet Jozefina Topalli dhe Majlinda Bregu të kontaktuara nga CityNews kanë shpjeguar qëndrimet e tyre, duke sqaruar se, në fakt, ky reagim i tyre nuk lidhet aspak me mandatin si deputete, por me të ardhmen e Partisë Demokratike dhe rrugën që po merr ajo.

Zonja Topalli, një nga qëndrestaret më të forta të Partisë Demokratike, ish kryetare parlamenti në kohën kur PD ishte në qeveri, e konsideruar si “Zonja e Hekurt” e kësaj force politike, mendimi i të cilës kishte shumë peshë në vendimet e kryesisë, ditën e sotme, pas komunikimit që pati më  Balkanweb, e kontaktuar nga CityNews ka thënë se: Ky është një moment, ku të gjithë thonë mendimin e tyre dhe ai duhet të vlerësohet.

Nga ana tjetër deputetja Majlinda Bregu, ish ministre Integrimi në kohën kur PD ishte në pushtet dhe gjithashtu një nga zërat më të fortë, brenda kësaj force politike, ka dalë publikisht kundër Bashës.

Pas postimit që zonja Bregu bëri në rrjetet sociale pak më parë, ajo është kontaktuar më pas nga CityNews, dhe, e pyetur për deklaratën e saj, tha: Unë flas sepse kjo i vlen opozitës në këtë moment të vështirë të saj.

Pra, siç duket, këta zëra mjaft të fortë brenda Partisë Demokratike, të vlerësuara si mjaft të rëndësishme në çdo vendim që ka marrë PD, më parë, sot i shprehin hapur Bashës pakënaqësitë për rrugën që po merr Partia Demokratike.

Ka ardhur koha që këto dy zëra të fuqishëm, që gjithmonë kanë pasur peshë në Partinë Demokratike dhe në vendimarrjen e saj, të merren më shumë se kurrë në konsideratë nga kryetari i kësaj force Lulzim Basha./CityNews





Lajmet e fundit nga