web counter
LEXO PA REKLAMA!

SHKARKO APP

App Store
Google Play

E fundit!

x

 Kokëdhima zhvesh shpatën, i ashpër me ish mikun Edi Rama

30 Prill 2017, 08:00, Aktualitet CNA

“Tani, pas 26 vitesh, jo vetëm që nuk ka asnjë shpresë për të vendosur demokracinë e ëndëruar, por Edi Rama po zhduk edhe të vetmen arritje madhore të sistemit politik aktual, po shkatërron e varros edhe pluralizmin politik të institucionalizuar. Largimin e opozitës nga parlamenti i ardhshëm, ai e konsideron të ligjshëm! Ky është një gabim tragjik i kryeministrit.

Edi Rama ka përgjegjësi politike, morale, shtetërore dhe qytetare. Nuk mund të justifikohet se ia lejon ligji të lërë jashtë zgjedhjeve 40 për qind të shqiptarëve. Këtë ai e bën vetëm për interesa personale. Disa herë ai ka mbrojtur me kokëfortësi interesin dhe pushtetin personal në dëm dhe në injorim të interesit të së majtës dhe të interesit të popullit. Në vitin 2009 ai refuzoi koalicionin me LSI dhe i dha edhe 4 vite të tjera pushtetin Berishës vetëm sepse kërkonte më shumë pushtet personal. Për të njëjtën arsye në vitin 2011 Rama e çoi në humbje Partinë Socialiste në zgjedhjet për bashkinë e Tiranës. Ata që arsyetonin me logjikë të ftohtë e dinin se Rama do e humbiste betejën, por ai i shkoi me kokëfortësi deri në fund idesë së tij, sepse nuk e mendonte dot veten asnjë ditë pa pushtet.

Edhe sot ai, me kokëfortësi është duke e çuar vendin drejt konfliktit dhe destabilizimit vetëm, sepse nuk pranon ta zgjidhë këtë krizë me mjete politike. Si Saliu, ai është gati t?i vërë zjarrin Shqipërisë për karrigen e tij. Opozita e vendit nuk është as Sali Berisha dhe as Lulzim Basha, nuk është as trupa parlamentare e Partisë Demokratike”. / CityNews

* Sulmin ndaj ish mikut të tij Edi Rama Koço Kokëdhima e ka bërë nga Korça ku ishte duke prezantuar partine e tij Zgjidhja. Fragmenti i mësipërm është pjesë e fjalës së tij





Lajmet e fundit nga