web counter
LEXO PA REKLAMA!

SHKARKO APP

App Store
Google Play

Basha: Rama duhet të largohet/ Do shpartallojmë lidhjet e Qeverisë me krimin

2 Prill 2017, 16:57, Aktualitet CNA

Kreu i PD, Lulzim Basha, nga çadra e protestës ku janë të pranishëm edhe familjarët e viktimave të 2 prillit 1991, tha se kushti për zgjedhje të lira e të ndershme është një kryeministër i palidhur me krimin, ndaj kryeministri duhet të largohet.

Sipas Bashës, aleanca e Ramës me krimin kanë fundosur Shqipërinë. ?Të gjithë e dimë se demokracia, vota e lirë, zgjedhje të lira dhe qeveria që del prej tyre janë të vetmet mekanizma të shoqërive të civilizuara për të garantuar paqe, mirëqenie, për të zhvilluar vendin, se krimi ngrihet në pushtet dhe pushteti bëhet njësh me krimin; nuk mund të ketë paqe, as ekonomi të zhvilluar, as rritje rrogash  e pensionesh, as shendetësi, por do kete pa drejtësi, hajdutëri, krim, papunësi, ekonomi të dobët, emigracion e vrasje shprese.

Këto janë bëmat e  shtetit të inkriminuar që Rama ngriti me duart e tij në këto katër vite?, deklaroi Basha.

?Ftoj të bashkohemi të gjithë faktorët politikë, të gjithë faktorët qytetarë përballë marrëzisë, dinakërisë që dëshiron të mbajë pushtetin me dhunë. Le të bashkohemi duke treguar me gisht, pengesën e vetme dhe duke bërë largimin e kësaj pengesë një orë e më parë. Ne do te shpartallojme lidhjet e qeverisë me krimin?. /CityNews





Lajmet e fundit nga