E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Haberet e Mitros/ Përvoja e Dritëro Agollit

19 Mars 2017, 13:23, Aktualitet CNA

Bisedë në zyrë.
-Me quajne Bardhok Korriku. Katundar tirane. Më kanë vrarë babanë. Mbi gomar?!
-Hasmi?
-Këtë dua ta di…Ishim të lumtur…Të tre. Në mëngjes ngrihesh mamaja. Vinte xhevzenë. Unë me babanë në krevat. Vdiq mamaja. Kamcer. Vazhdoi zakoni i kafesë. E bënte babai. Ai të hidhur. Unë të ëmbël. Babai më mësoi të milja lopën. Të therja pula. Në shkollë? Vetëm dhjeta. Mora maturën. Babai mbushi formularin: tre herë shënoi mjekësi. Fitova.
-Një mëngjes babai i hipi gomarit. U nis për shkarpa. Unë në shkollë… Kur u ktheva … Shtëpia plot me njerëz. Kuje!…Kishte vdekur babai…. Më ra të fikët. U përmënda në spitalë.
-Erdhi diktor Petrela…Pse në spitalë?…Nga vdekja e babait kisha pësuar tronditje. Dy javë në komo…
-U ktheva në shtëpi…Xhaxhai më tregoi. Babai kishte rënë nga gomari. E gjetëm të vdekur…
-Natën mu çfaq babai. Me tabaka në dorë. Duke pirë kafe më tregoi…Isha mbi gomar. Më dollën dy burra. Me maska. Më lidhën këmbët me litar. Më lanë kokëposhtë… Gomari eci me revan…Mu ça koka! Policia do thotë rashë vetë nga gomari! Zbulo të vërtetën. Nuk do më tretë dheu! Iku babai. Në dhomë u futën dy burra. Hoqën maskat…Nuk të vrasim në krevat…Do të të gjejmë mbi gomar…Dhe kaput!
U zgjova i lemeritur…
-Kërkova ekspertizën. Ja ku e ke. Mashtrim! Lashë shkollën. Nuk kam lëne derë pa trokitur. Letra?Prokurorit. Kryeministrit. Ja ku i ke përgjigjet. Askush nuk më beson…Më bën derman?! Ka 12 vjet që burrat me maskë më trazojnë gjumin…
Shkëmbyem celularët. Iku…
Lexova eksperizën…Më 20 tetor 2005. Besim Korriku. 50 vjeç. 1.50 i gjatë. Niset nga shtëpia mbi gomar. Duke ecur, bie nga gomari…I mbeten këmbët të varura…Vdes nga një plagë prapa kokës…
Po halli? Si ta ndimoj djalin?
Mu kujtua nje histori. Ma ka treguar Dritëro Agolli…
-Në Lidhjen e Shkrimtarëve vinte vërdall, herë pas here, një burrë. Pyeta. Më thanë është i marrë. Thotë se ka zbuluar një raketë për të shkuar në hënë. E ftova në zyrë.
E pyeta. Mori nje letë. Bëri një top…Kjo është toka-tha. Pastaj vizatoi nje top tjetër. ..Kjo është hëna-tha….Bëri një hark me majë. Si raketë…Ja me ketë raketë shkohet në hënë…
-Të lumtë! Zbulim gjenial. Por ka një problem. Në hënë kanë shkuar amerikanët. Dhe sovjetikët. A mund të zbulosh një raketë që të shkojë në mars?!
-Ke të drejtë. Por do shumë punë. Vështirë ta realizoj?!…Iku…
Rrëmbeva telefonin…Alo…Bardh!…Jam me ministrin e Rendit dhe ministren e Mbrojtjes. U lidhëm me NATON-ton. Tani shtëpija të ruhet me satelit…
-Faleminderit! Më në fund do flë i qetë…Po hasmin?
-Ke besim?…Po…./CityNews