web counter
LEXO PA REKLAMA!

SHKARKO APP

App Store
Google Play

E fundit!

x

Grabitja e makinës me para dhe 3 ngjarjet e ngjashme/ A janë të njëjtët autorë ?

9 Shkurt 2017, 14:27, Aktualitet CNA

Një makinë që transportonte paratë e një banke të nivelit të dytë është grabitur mesditën e sotme nga persona të paidentifikuar.

Grabitja ka ndodhur në aksin Tiranë ? Rinas, ku nën kërcënimin e armëve, autorët kanë arritur të marrin thasët me para.

Por, gazetari Artan Hoxha shprehet se grabitësit kanë përdorur të njëjtën mënyrë si në 3 rastet e tjera të grabitjeve të mjeteve të transportit të parave.

Përmes një postimi në rrjetet sociale, ai shkruan: ?Grabites debila, nuk nderrojne as vendin dhe as menyren e grabitjes…
Po, ka nje lajm te mire, hapen dhe nja 5-6 vende te lira per police private, se keta te shkretet do shkojne ne kokerr te burgut…?

Grabitjet e ngjashme

3 dhjetor 2015

Pesë persona të kamufluar me uniformat e forcave speciale grabitën në mënyrë spektakolare 3 milionë euro.

Ngjarja ndodhi në rrugën e Rinasit, në dalje të Tiranës, ku mësohet se autorët kanë marrë edhe disa lingota ari.

Autorët i prenë rrugën makinës së blinduar të policisë private ?Rogat Security?, ku ndodheshin 9 thasë me para dhe lingotat e një banke të nivelit të dytë.

Paratë dhe lingotat po transportoheshin drejt aeroportit ?Nënë Tereza?, me qëllim transferimin jashtë Shqipërisë.

Policia e Tiranës tha se 5 autorët e ngjarjes, të maskuar dhe të armatosur, po udhëtonin në drejtim të kundërt, nga Rinasi drejt Tiranës, me një automjet tip ?Jepp?, me targa të një mjeti tjetër.

Asnjë nga autorët nuk është kapur.

Shkurt 2015

Autorët e krimit sulmuan mjetin e policisë private që do transportonte drejt Thesarit paratë e bankës private duke marrë dy thasë me kartëmonedha. Ngjarja ndodhi, para një banke që ndodhet në afërsi të Stacionit të Trenit, te bulevardi ?Zogu i Parë?, në Tiranë. Autorët, të armatosur me kallashnikovë dhe pistoletë kishin zënë pritë në tunelin në mes pallateve ku çdo ditë makinat e blinduara merrnin paratë nga banka për t?i transportuar drejt Thesarit të Shtetit.

Në momentin kur furgoni i blinduar dhe një fuoristradë e policisë private kanë parkuar pranë tunelit dhe punonjësit e sigurisë kanë marrë nga banka dy thasët me para, autorët kanë vënë në zbatim planin. Ata kanë pritur deri sa paratë të futeshin në furgon dhe më pas kanë sulmuar.

Fillimisht kanë goditur me tytën e armës një prej rojeve të bankës, më pas kanë qëlluar 3 herë në ajër me kallashnikov. Dy prej tyre kanë kërcënuar punonjësit e policisë private. Ndërsa i treti ka nxjerrë dy thasët me mbi 10 milionë lekë të rinj nga furgoni i blinduar, duke i futur në fuoristradën që ndodhej para tij, duke qenë se e kishte rrugën e lirë për t?u larguar. Më pas të tre autorët kanë hipur në fuoristradën e policisë private dhe janë larguar me shpejtësi drejt rrugës së burgut.

Asnjë nga autorët nuk është kapur.

Qershor 2016

Më shume se tre persona te armatosur kryen nje super grabitje ne brendesi te aeroportit te Rinasit. Autorët arritën të marrin rreth 3 milionë euro.

Personat e armatosur kanë arritur të marrin paratë nga dy kompni private sigurimi ndersa po transportonin parate për t?i eksportuar me avion jashte Shqiperise.

Pas grabitjes, autoret mësohet se i kanë vënë flakën makinës me të cilën kanë realizuar grabitjen në Fushë ? Prezë.

Menjëherë pas marrjes së njoftimit nga ana e Policisë, dy grupe të Forcave të Ndërhyrjes së Shpejtë dhe RENEA-s janë nisur për në Rinas.

Një grabitje e tillë vjen një ditë pas masave të forta të sigurisë në Rinas si rezultat i sulmeve terroriste në aeroportin e Stambollit, ku dy ditë më parë pati një sulm terrorist.

Grabtije e sotme

Një makinë tip fuoristradë i ndërpret rrugën makinës që po transportonte paratë. Autorët, nën kërcënimin e armëve arritën të marrin një sasi të konsiderueshme parash.

Më pas, autorët i kanë vënë flakën makinave me të cilat lëviznin në afërsi të Urës së Tapizës.

Duket se në të 4 grabitjet është e njëjta skemë dhe e njëjta dorë./CityNews





Lajmet e fundit nga