web counter
LEXO PA REKLAMA!

SHKARKO APP

App Store
Google Play

Video Ekskluzive- Skandali/ Banjo kthehet në dhomë për Urgjencën e Tiranës

7 Shkurt 2017, 19:37, Aktualitet CNA

Një nga premtimet e ?Rilindjes? para se të vinte në pushtet ishte shëndetësia falas. Pas 4 viteve, shëndetësia jo vetëm që nuk është falas, por ky sektor është përkeqësuar.

Ministri i Shëndetësisë, Ilir Beqaj, ka nisur së fundmi Reformën e Urgjencave Mjekësore me pretendimin për të qenë më afër pacientëve.

Që nga data 1 shkurt, Urgjenca e Tiranës është shpërndarë në 3 pika: QSUT, poliklinika nr.9 dhe tek poliklinika e Kombinatit. Beqaj propagandoi se shërbimi i Urgjencës do të jetë brenda standarteve, por e vërteta është krejtësisht e ndryshme nga fjalët e ministrit dhe nga lajmet e servirura në mediat pranë qeverisë.

CityNews ka siguruar një video nga ambientet e Shërbimit të Urgjencës në polikinikën nr.9, ku një prej banjove të saj është përshtatur në dhomën e shërbimit të Urgjencës.

Në këtë dhomë, qëndrojnë mjeku i Urgjencës, infermieri dhe shoferi i autoambulancës. Ministria e Shëndetësisë, i fut punonjësit në një banjo 6 metra katrorë të shndërruar në dhomë pa marrë parasysh mundësinë e infektimit të mjekëve që do u shërbejnë pacientëve.

3 punonjës, përfshirë edhe femra, detyrohen të qëndrojnë në shërbim të qytetarëve në kushte aspak normale në këtë dhomë banjo./CityNews

Më poshtë, video





Lajmet e fundit nga