web counter
LEXO PA REKLAMA!

SHKARKO APP

App Store
Google Play

E fundit!

x

Revolta rumune dhe “demonët e pamposhtur” shqiptarë!

5 Shkurt 2017, 19:28, Aktualitet CNA

Populli rumun guxoi dhe fitoi! Ai u ngrit në revoltën më të madhe kundër qeverisë, kundër korrupsionit, kundër atyre që vijnë në pushtet vetëm me një qëllim: të mbushin sa më shumë xhepat?. Një protestë ?e çmendur?, e mbështetur dhe nga Presidenti i vendit, bëri që qeveria të zmbrapset jo vetëm nga pandëshkueshmëria e të korruptuarve, por edhe nga ulja e dënimit për secilin prej tyre. Katër ditë-netë nëpër rrugët e qyteteve dhe triumfoi e drejta popullore.

Por, çfarë ndodh në vendin tonë?!
Ethet e vettingun dhe dekriminalizimit kanë mbërritur edhe te ne, por kapja e peshqve të mëdhenj duket e largët. Populli ?i fjetur? ka humbur shpresat dhe në asnjë revoltë nuk do mund të mposhtte këtë korrupsion, që ka ?pushtuar? deri në ind politikën.

Kryeministri kalon kohën duke u tallur e përgjigjur me ironi qytetarëve në rrjetet sociale, pa marrë parasysh asnjë kërkesë të tyren.

Presidenti vazhdon të mbrojë një kryeprokuror të akuzuar nga SHBA si të lidhur direkt me korrupsionin, si kundërshtarin e fortë të reformës në drejtësi, dhe as që bëhet fjalë të dëgjojë zërin e popullit.

Kryeparlamentari sfidon palët politike me ?lojëra? numrash, duke u ndalur te 71-shi. Ai bëri ?kurban? ministrin e tij, që pranoi hapur korrupsionin në qeveri, por nga ana tjetër bëri ?hero? ministrin tjetër, që pohoi po të njëjtën gjë.

Opozita, e përgjumur deri më tani, ka vendosur të zgjohet dhe të dalë në shesh më 18 shkurt. Por, se çfarë do ndodhë mbetet për t?u parë. Ama për diçka jemi të sigurt, referuar protestave të mëparshme të opozitës, tërheqje të qeverisë nuk do të ketë, siç ndodhi në Rumani.

Ndonëse një vend me demokraci të vonuar (?89) ashtu si edhe ne, me një zhvillim ekonomik mbase jo kaq dobët sa ne, por as shumë para, ky vend ballkanas vendos të hedhë një hap galopant para nesh, atë të drejtësisë./CityNews





Lajmet e fundit nga