web counter
LEXO PA REKLAMA!

SHKARKO APP

App Store
Google Play

E fundit!

x

Ndotja në Durrës/ Duka denoncon kantierin e Vangjush Dakos

25 Janar 2017, 14:53, Aktualitet CNA

Kryetari i Partisë Agrare Ambientaliste, Agron Duka, ka hedhur akuza mbi kryebashkiakun e Durrësit, Vangjush Dako, lidhur me situatën e ndotjes në Durrës. Teksa ka folur para një kantieri ndërtimi në qytetin bregdetar, Duka u shpreh : ?Jemi sot këtu për të denoncuar një situatë të pazakontë që po ndodh në qytetin e Durrësit.

Siç mund të shihet lehtësisht me sy të lirë, ky kantier ndërtimi është jashtë çdo standardi mjedisor, në shkelje të kushteve teknike e ligjore, duke sjelle pasoja të rënda për mjedisin, dhe një kërcënim për shëndetin e qytetarëve.

Ndërkohë që këtu vazhdon paligjshmëria, qyteti i Durrësit vazhdon të ndotet, dhe pasojat bien mbi qytetarët, mbi biznesin, dhe mbi imazhin turistik të qytetit. Bashkia e Durrësit me kryetarin e saj, në mënyrë të përsëritur në shumë zona njëherësh është  përgjegjëse për një situatë të rënduar në qytetin e Durrësit, një situatë që vazhdon të përkeqësohet më tej.

Nuk mund të lejohet një kantier i tillë ndërtimi në asnjë vend, aq më tepër në një qytet arkeologjik dhe turistik si Durrësi. Ne si Parti Agrare Ambientaliste jemi këtu për të denoncuar këtë rast dhe për t?i kërkuar Bashkisë së Durrësit dhe kryetarit të saj, të ndalë punimet menjëherë dhe të marrë masat për reduktimin e ndotjes që emetohet këtu.

Nga ana tjetër, shqetësim më vete në këtë kantier është edhe ?varrosja? me beton që po i bëhet murit antik, duke varrosur historinë mijëra vjeçare të qytetit të Durrësit. PAA kërkon të merren masa të menjëhershme për të shmangur ndotjen që i sjell Durrësit ky kantier, të respektohen normat ligjore mjedisore, si dhe të merren në konsideratë alternativat e tjera në lidhje me murin antik të qytetit. Mjaft më me betonizim dhe shkatërrim të mjedisit në Durrës!?. /CityNews/





Lajmet e fundit nga