web counter
LEXO PA REKLAMA!

SHKARKO APP

App Store
Google Play

Akuzohej për korrupsion/ Lirohet prokurori i Fierit

28 Dhjetor 2016, 15:24, Aktualitet CNA

Gjykata e Apelit në Krimet e Rënda ka pushuar çështjen ndaj ish-prokurorit të Fierit Petrit Vukaj, i cili akuzohej për korrupsion.

Sipas Apelit,  për Vukajn nuk disponohen prova të mjaftueshme për të provuar fajësinë.

Ai u dënua në muajin tetor me 3 vjet burg nga Krimet e Rënda, por që u konvertua në 18 muaj shërbim prove dhe 5 vjet përjashtim nga ushtrimi i funksioneve publike.

Nga hetimi i deritanishëm i Prokurorisë për Krime të Rënda, rezulton se shtetasi Petrit Vukaj, në përmbushje të funksioneve të tij, nëpërmjet ndërhyrjes korruptive të disa personave, ka marrë përsipër zbutjen e kërkesës për dënim e shtetasit Elton Xhemali, i paraburgosur për veprën penale të ?shkeljes së rregullave të qarkullimit rrugor?, ngjarje e ndodhur në datë 31.03.2015, në aksin rrugor Levan-Tepelenë, me pasojë vdekjen e qytetarit Përparim Bizhga, Shef i Rendit në Policinë e Delvinës, pasagjer në mjetin e drejtuar nga i arrestuari Xhemali.

Në bazë të veprimeve hetimore është konstatuar se shtetasi Elton Xhemali, nëpërmjet vëllait të tij, Arjan Xhemali dhe oficerit të Policisë së Shtetit, Gazmir Nelollari, synon që të shmangë dënimin me burgim për veprën që i atribuohet.

Për të arritur qëllimin e tyre, shtetasit Arjan Xhemali dhe Gazmir Nelollari kontaktojnë me prokurorin e çështjes, Petrit Vukaj, i cili, në bazë të veprimeve të tij proceduriale, dukshëm ka marrë përsipër zbutjen e pozitës proceduriale të të paraburgosurit Elton Xhemali, në këmbim të parave, e cila, sipas të personave të përfshirë është 300 mijë lekë të reja.





Lajmet e fundit nga