E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Kastriot Myftaraj/ Lulzim Basha duhet të rrethonte Kryeministrinë me protestues për deklaratat anti-Trump të Ramës

9 Nëntor 2016, 17:32, Aktualitet CNA

Asnjë kryetar opozite në botë, përveç vendeve antiamerikane, nuk do ta kishte lënë të ikte pa e shfrytëzuar situatën e favorshme që u krijua nga fitorja e Trump në zgjedhjet presidenciale amerikane dhe deklaratat e përsëritura të Kryeministrit Rama për Trump si rrezik për botën dhe për Shqipërinë.

Basha sot duhet të kishte bërë thirrje për protesta dhe të kishte rrethuar qeverinë me turma dhe ekrane ku të transmetoheshin deklaratat e Ramës. Sepse deklaratat e Ramës nuk patën si shkak atë që tha ai sot, shqetësimin e tij për deklaratat e Trump për Kosovën, muslimanët apo emigrantët meksikanë në SHBA, por marrëdhëniet e këqija të Trump me Soros, protektorin e Ramës. Edi Rama, me deklaratat anti-Trump nga pozita e kryetarit të qeverisë shqiptare, i bëri marrëdhëniet shqiptaro-amerikane variabël të interesave të tij të ngushta personale, në një mënyrë që nuk ka guxuar ta bëjë asnjë drejtues i lartë shtetëror në Shqipëri pas vitit 1990.

Rama deshi të bënte lajm botëror me deklaratat kundër Trump. Tash Basha kishte rastin që të bënte lajm botëror me protestat kundër Kryeministrit sorosian, duke i dhënë opozitës në prag të zgjedhjeve parlamentare një kauzë protestash për të cilën ambasada amerikane në Tiranë, nuk do të mund të shprehte dot asnjë kundërshtim. Këto protesta duhet të mbaheshin në periudhën pak më tepër se dymujore të pas zgjedhjeve amerikane kur në pushtet në Ëashington është ende administrata e vjetër, e Obamës. Kështu do të parandalohej çdo reagim nga Ëashingtoni kundër protestave pasi do të dukej si vazhdim i luftës së Administratës ?Obama? ndaj Trump. Por edhe nëse administrata e Obamës do të merrte një qëndrim kundër protestave, sa vlente kjo gjë, kur në janar Obama dorëzon çelësat e Shtëpisë së Bardhë?

Me protestat, Basha do të kishte krijuar situatën që Administrata ?Trump? që do të vijë në janar, të rriste presionin që problemi të zgjidhej me largimin e Ramës. Largimi i tij para zgjedhjeve do të kishte qenë një fitore e madhe për opozitën. Por Basha nuk e bën dot një skenar të tillë, sepse edhe ai është i kapur nga Sorosi. Kur Basha i bindet Sorosit edhe tani që në Shtëpinë e Bardhë është duke hyrë armiku më i madh i Sorosit, kjo tregon se Sorosi e kontrollon Bashën me mënyra të tilla të llojit që Sigurimi i Shtetit dikur i quante ?material kompromentues?, që do ta digjnin karrierën politike të Bashës në çdo moment/-Shkruar ekskluzivisht për citynews