web counter
LEXO PA REKLAMA!

SHKARKO APP

App Store
Google Play

E fundit!

x

Dy fytyrat e Edi Ramës

9 Nëntor 2016, 12:14, Aktualitet CNA

Edi Rama mund të jetë kryeministri i vetëm në botë dhe në historinë e zgjedhjeve në SHBA që në mënyrën më banale, më të turpshme, aspak diplomatike del hapur në mediat amerikane kundër një kandidati dhe për më tepër e sulmon atë duke u bërë palë dhe duke marrë një rol, i cili tani duket të jetë totalisht kundër interesave të vendit.

Në videon e mëposhtme shihet dhe dëgjohet qartë se si kryeministri ynë pak muaj më parë sulmonte presidentin e SHBA-ve Donald Trump me dëshirë.

Kryeministri ynë bëhet armik me një qëndrim të turpshëm me presidentin e SHBA-ve, të cilin e sulmon drejtëpërdrejt si të ishte një sharlatan dhe jo kryeministër i një vendi.

Ja çfarë deklaronte Rama në CNN: ?Larg qoftë! Besoj se do të dëmtonte shumë SHBA-në dhe do të dëmtonte shumë botën demokratike, pasi ai, në fund të ditës do të duhet të bënte disa prej gjërave që po thotë se do të bëjë dhe pa dyshim, kjo do të ishte shumë e dëmshme. Gjithashtu, shpresoj që ndërkohë ai të jetë në gjendje të mësojë më shumë mbi botën, të mësojë më shumë mbi myslimanët, të mësojë më shumë se si ka shumë njerëz, që pavarësisht besimit apo etnisë së tyre, jetojnë me krenari me vlerat që Amerika përfaqëson dhe i mbrojnë këto vlera, edhe përmes sakrifikimit të fëmijëve të tyre, në luftërat që bëjnë përkrah Amerikës?.

Ja çfarë shkruan sot pas fitores së Trump: ?Duke i uruar Presidentit Trump fitoren dhe të gjithë suksesin që amerikanët dhe miqtë e partnerët e SHBA, i urojnë atij vendi të madh, kam bindjen se marrëdhënia jonë strategjike me Shtetet e Bashkuara, do të vijojë të forcohet në funksion të vlerave e të interesave të përbashkëta, të cilat e bëjne Shqipërinë një mik e aleat të çmuar të popullit e të qeverisë amerikane?. /Citynews





Lajmet e fundit nga