web counter
LEXO PA REKLAMA!

SHKARKO APP

App Store
Google Play

E fundit!

x

Nisin ethet e zgjedhjeve të 2017-ës/ Rama kandidon në Durrës përballë Metës

9 Nëntor 2016, 11:23, Aktualitet CNA

Jemi ende disa muaj larg zgjedhjeve parlamentare të 2017-ës, por dy krerët e partive kryesore të koalicionit qeverisës, Edi Rama dhe Ilir Meta, kanë filluar që tani të bëjnë lëvizjet e tyre.

Kryeministri Rama pritet ti ndryshojë sërish zonat elektorale kandidatëve të PS-së, ashtu siç bëri edhe në zgjedhjet e vitit 2013, lëvizje të cilat i rezultuan të suksesshme.

Në qershorin e 2013-ës Rama ishte në krye të listës së Vlorës, por kësaj rradhe pritet të kryesojë listen e Durrësit duke dërguar në Vlorë ministrin e brendshëm Saimir Tahiri, ndërsa në Tiranë pritet të kryesojë listën ish-kryeministri Pandeli Majko.

Por lëvizje parashikohen edhe në kampin e LSI-së, ku me shumë gjasa kreu i saj Ilir Meta pritet të kryesojë listen e deputetëve në Durrës, pra një përballje kokë më kokë mes kryeministrit Rama dhe kryeparlamentarit Meta në qytetin bregdetar.

Zgjedhjet e 2017-ës do të jenë një test i rëndësishëm për vazhdimin e koalicionit PS-LSI. Rama është shprehur publikisht pro vazhdimit të tij, por nga LSI nuk ka ende një përgjigje zyrtare. /Citynews

 

 

 





Lajmet e fundit nga