web counter
LEXO PA REKLAMA!

SHKARKO APP

App Store
Google Play

Debate në Komisionin e Shëndetësisë/ Beqaj e pranon: Kemi dhënë 475 mijë euro më shumë për Check Up-in

1 Nëntor 2016, 10:50, Aktualitet CNA

Ministri i Shëndetësisë Ilir Beqaj raportoi në Komisionin Parlamentar të Shëndetësisë, i ftuar nga opozita për kontratën e Check Up-it.

Ai pranoi se janë dhënë 475 mijë euro më shumë për koncensionarin.
?Ne kemi bërë një studim dhe në bazë të studimit në mënyrë që projekti të funksionojë , pra që makinat të shkojnë edhe në zonat e largëta (janë 60 automjete që bëjnë përditë më shumë se 7 mijë km), është e domosdoshme një minimun të realizohet kontrata. Pra duhej një volum prej 475 mijë euro që ky projekt të funksiononte”, u shpreh Beqaj.

Pas kësaj ndërhyri kryetarja e komisionit, deputetja demokrate Albana Voksh, e cila e pyeti ministrin: “Keni dhënë miliona euro privatit pa bërë asgjë?”

?Po sepse kështu do të viheshin në lëvizje makinat që shkojnë për të bërë analizat?, u përgjigj Beqaj.

Sa i përket shifrave numri një i shëndetësisë në vend deklaroi se, ?nga 1 prilli i vitit të kaluar e deri më tani e kanë bërë check up 250 mijë qytetarë në gjithë vendin, ku 10 mijë ende nuk i kanë marrë përgjigjet.
Ai shtoi se ?janë 10 mijë jetë njerëzit të shpëtuara (sëmundje zemre, tumorale), që janë diagnostikuar në kohë. /Citynews





Lajmet e fundit nga