web counter
LEXO PA REKLAMA!

SHKARKO APP

App Store
Google Play

E fundit!

x

Moratoriumi i pyjeve dhe gjuetisë i shërbeu kanabizimit/ Ministria e Mjedisit fsheh filmimet

24 Tetor 2016, 07:22, Aktualitet CNA

Suksesi i madh i kryeministrit Rama dhe qeverisë socialiste në këto tre vite të pushtetit të tyre por edhe krahasuar me 25 vite demokraci është se në vitin 2016 nuk u dogjën pyjet, përjashto një sipërfaqe të vogël në Shëngjin. Pjesa tjetër e Shqipërisë shpëtoi nga zjarret.

Kjo jo për meritë të Edi Ramës dhe Saimir Tahirit, por për meritë të kanabizimit të vendit ku trafikantët e drogës nuk lejonin barinjtë të ngjiteshin maleve dhe t’ju vendosnin flakën për të hapur kullota të reja.

Janë edhe dy fakte të tjera që qeveria nëpërmjet vendimeve të saj të cilat kanë të bëjnë me moratoriumin e gjuetisë dhe ndalimit të prerjes së pyjeve, nëpërmjet masave të ashpra, janë dy faktorë që kanë ndikuar në kanabizimin e sipërfaqeve të mëdha të tokës në Shqipëri të cilat janë të paidentifikuara.

Këto janë dy vendime që qeveria ndoshta i ka marrë për ti ndihmuar shtimin e florës dhe faunës, por të dyja kanë ndikuar në bllokimin dhe moszblulimin e sipërfaqe të mëdha me kanabis sepse gjahtarët nuk janë lejuar të futen në pyje çka mund të bënte që ata të shihnin dhe denonconin drogën apo ata që transportinin dru. Këtë nuk e themi për të mbrojtur gjuetinë e paligjshme dhe shkatërrimin e pyjeve por po sjellim një fakt tjetër shumë domethënës: Ministria e Mjedisit në rrugë nacionale, afër pyjeve dhe kullotave malore ka vendosur qindra e qindra kamera në zonën e Korçës, kullat e kamerave bien në sy në Maliq, në zonën e Prespes, Vithkuq, Kolonjë etj.

Kamerat monitorojnë rrugët dhe pyjet, pra lehtësisht vetëm nga këto kamera mund të kontrollohej lëvizja e mjeteve, trafikantëve dhe njerëzve që shkonin në zona të pabanuara dhe lëviznin shpesh për të kryer shërbimet e duhur lëndëve narkotike të mbjella në parcela të ndryshme.

Nuk po themi se moratoriumi për gjuetinë dhe pyjeve u bë për të ndihmuar trafikantët, por kjo nuk le pak dyshime kur ke përballë se jo vetëm kanabizimin e vendit por edhe kamerat dhe monitorimet e Ministrisë së Mjedisit kudo në Shqipëri. Përtej kamerave janë rojet e pyjeve, përtej tyre janë kryepleqtë e zonave por Shqipëria në fakt u kanabizua.

Dhe faktet e mësipërme na bëjnë të mendojmë se ka patur një urdhër nga lart për të mosdenoncuar, mosraportuar dhe shmangur çdo informacion që pengonte zbulimin e fenomenit që në mbjelljen e tij. Thjesht ka patur një urdhër nga lart që të tolerohej kanabisi. Lehtësitë ishin moratoruiumet, mosraportimi i pamjeve të kamerave dhe moskërklesa e llogarisë e kryepleqve të fshatrave, administratorët e komunave apo rojeve të pyjeve si njerëzit përgjegjës përballë ligjit për administrimin e territorit në zona të caktuara.

Kanabizimi I Shqipërisë ka patur edhe një miratim të heshtur që ka sjellë sipërfaqe me mijëra hektarë, një pjesë e të cilave shkatërrohet nga policia, pjesa tjetër i shërben trafikut vendas dhe ndërkombëtar të drogës. /Citynews





Lajmet e fundit nga