web counter
LEXO PA REKLAMA!

SHKARKO APP

App Store
Google Play

E fundit!

x

Veliaj zhduku emisionin investigativ/ Hetoi aferën e tij

10 Tetor 2016, 12:49, Aktualitet CNA

Parti Demokratike akuzon kryetarin e Bashkisë së Tiranës Erion Veliaj se ka mbyllur emisionin investigative në Viion Plus. Sekretarja për marrëdhëniet me Pulikun në PD Grida Duma tha se kjo ishte një goditje ndaj lirisë së medias në Shqipëri. ?Dje ishte një ditë e keqe për lirinë e medias, për lirinë e shprehjes për demokracinë në Shqipëri. Erion Veliaj, si kopje e keqe e Edi Ramës, si mëkëmbësi i tij për të gjitha aferat në Bashkinë e Tiranës mbylli një emision investigativ në Vizion Plus?, tha Duma.

Ajo argumentoi se ky emision po zbardhe të vërtetën mbi krimin e Veliajt në Sharrë. ?Një emision që po hetonte krimin e tij në Sharrë, aty ku humbi jetën dy muaj më parë 17 vjecari Ardit Gjoklaj.

Teksa emisioni ?publicus?, ishte paralajmëruar dhe pritej të shfaqte dje në darkë investigimin në Sharrë, rolin e përgjegjësinë e Erjon Veliajt në atë sipërmarrje të paligjshme, korruptive e kriminale, papritur, televizioni Vizion Plus vendos të mos e transmetojë dhe e mbyll programin?, theksoi Duma.

Duma tha se ky veprim vjen i përsëritur nga kreu i bashkisë së Tiranës pikërisht për të njëjtën ccështje. ?Kjo është hera e dytë që Erion Veliaj ndërhyn dhe mbyll programe që guxojnë të hetojnë mbi aferën e tij. Në rastin e parë, Veliaj shkarkoi nga puna drejtoreshën e informacionit që tentoi të hidhte dritë mbi Sharrën, kësaj radhe Veliaj zhduku emisionin investigativ. Kjo është një ngjarje e rëndë për median, për lirinë e shprehjes, për një prej themeleve të demokracisë. Një ngjarje e paprecedent që ndodh në një vend që kërkon të hapë negociatat për anëtarësim në Bashkimin Europian?, tha Duma.

Duma e quajti Veliajn xhelat dhe një kopje e keqe e kryeministrit Edi Rama. Ajo tha se PD e dënon ashpër këtë ngjarje. ?Erjon Veliaj si kopja e keqe e Edi Ramës po shfaqet si një xhelat i medias dhe fjalës së lirë. Partia Demokratike e dënon ashpër këtë ngjarje dhe nxit organizatat e medias në vend që të reagojnë, të ngrenë zërin, të mos pajtohen me këtë ndërhyrje brutale e të papranueshme të Erion Veliajt. Partia Demokratike beson se partnerët ndërkombëtarë, ambasadorët e vendeve mike, do ta mbajnë shënim rastin dhe do të mbajnë qëndrimin e duhur?, nënvizoi Duma.

PD inkurajon autorët e programit të bëjnë public investigimin e tyre dhe prokurori të hetojë.

?Ne i inkurajojmë autorët e programit ta bëjnë publik investigimin e tyre. Prokuroria e Tiranës është nën detyrim ligjor të mos mbajë të mbyllura dosjet e Erjon Veliajt, por të zbatojë kushtetutën e të cojë para hetimin për aferën korruptive e kriminale të landfillit të Sharrës. Nuk mund të pranohet më që Erjon Veliaj, ky armik i ligjit, i medias dhe shprehjes së lirë të bëjë ç?të dojë me Bashkinë e Tiranës, me taksat e qytetarëve, e të sundojë televizionet e gazetat në vend në emër të interesave të tij financiare e kriminale?, theksoi Duma. /Citynews.al

 

 





Lajmet e fundit nga