web counter
LEXO PA REKLAMA!

SHKARKO APP

App Store
Google Play

Belind Këlliçi në forumin e të rinjve PPE: 40 % e të rinjve në Shqipëri janë të papunë

10 Tetor 2016, 10:26, Aktualitet CNA

Belind Këlliçi, kryetari i Forumit Rinor të Partisë Demokratike jep alarmin për gjendjen e rëndë ekonomike në vend dhe papunësinë e të rinjve që shënon 40%. I pranishëm në konferencën ?Shqetësim papunësia dhe varfëria e të rinjve shqiptarë? ), të forumit të të rinjve të Partive Popullore Europiane i mbajtur në Vjenë Këlliçi kreu i të rinjve demokratë foli për gjendjen e rëndë ekonomike në vend ku mbi 40 % të të rinjve janë të papunë ndërsa një pjesë e madhe e tyre duan të largohen nga vendi.

Belind Këlliçi paraqiti para drejtuesve të të rinjve të djathtë europianë nevojën jetike për zgjedhje të lira dhe të ndershme në Shqipëri duke denoncuar fenomenin e blerjes së votës si në rastin e zgjedhjeve në Dibër.

Kreu i Forumit Rinor të Partisë Demokratike mori mbështetjen e drejtuesve të të rinjve të Partisë Popullore Europiane për përballjen e këtyre sfidave të të rinjve shqiptarë. Ai u takua edhe me kryetarin e Junge ÖVP, Forumit Rinor të Partisë Popullore Austriake dhe njëkohësisht Ministrit të Jashtëm të Austrisë, Sebastian Kurz, me të cilin ndau nevojën për më shumë bashkëpunim mes forumeve të të rinjve.

Këshilli i kryetarëve të YEPP miratoi një deklaratë në përfundim të punimeve, e cila u nënshkrua nga krerët e forumeve rinore të 19 shteveve si; Austria, Hollanda, Hungaria, Norvegjia, Finlanda, Kroacia, Sllovakia, Sllovenia, Suedia, Zvicra, Irlanda, Shqipëria me titull: ‘For a new European Centre Right’, pra për një qendër të djathtë të re europiane. Kjo deklaratë e të rinjve të djathtë europianë i kërkon Partive Popullore Europiane hapjen dhe modernizimin e strukturave partiake, hapjen më shumë ndaj shoqërisë civile, ekspertëve, njohjen e gabimeve të së shkuarës, etj. /Citynews.al





Lajmet e fundit nga