web counter
LEXO PA REKLAMA!

SHKARKO APP

App Store
Google Play

E fundit!

x

Meta bashkë me Dulen në Greqi/ Meta: Vizita intensifikon bashkëpunimin ndërparlamentar

10 Tetor 2016, 08:58, Aktualitet CNA

Kryetari i Kuvendit Ilir Meta në prag të vizitës së tij në Greqi, para se të nisej ka dhënë një prononcim për mediat në të cilin thotë se vizita e tij synon çuarjen më tej të bashkëpunimit ndërparlamentar në politikë dhe ekonomi.

?Marrëdhëniet mes Shqipërisë dhe Greqisë janë marrëdhënie që shkojnë përtej kontakteve politike që gëzojmë mes dy vendeve tona. Miqësia jonë bazohet në shekuj mirëkuptimi dhe shkëmbimesh mes dy popujve tanë që kanë kaq shumë të përbashkëta. Besoj se vizita jonë në Athinë do t?i shërbejë intensifikimit konkret të bashkëpunimit ndërparlamentar i cili është i rëndësishëm për të gjithë bashkëpunimin tonë politik dhe ekonomik, dhe që ne dëshirojmë t?a avancojmë me vullnet të plotë në çdo nivel në të ardhmen?, tha Meta para se të nisej për në Greqi.

Në vizitën zyrtare në Greqi me ftesë të Presidentit të Parlamentit të Greqisë Nikolaos Voutsis, kryetari i Kuvendit Ilir Meta përveç homologut të tij grek, pritet të takojë edhe kryeministrin e Greqisë Alexis Tsipras, Ministrin e Punëve të Jashtme Nikos Kotsias dhe Presidentin e Greqisë Prokopis Pavlopoulos.

Gjatë qëndrimit të tij në Greqi, Kryetari i Kuvendit Meta do të takohet edhe me përfaqësues të partive kryesore politike parlamentare si dhe me përfaqësues të komunitetit shqiptar në Athinë.

Gjatë kësaj vizite 3 ditore zyrtare në vendin fqinj, Kryetari i Kuvendit Meta shoqërohet prej Kryetares së Komisionit për Politikën e Jashtme Arta Dade, Kryetarit të Komisionit për Veprimtaritë Prodhuese, Tregtinë dhe Mjedisin z. Eduard Shalsi, dhe deputetët Anastas Angjeli (PS), Fatmir Toçi (PS), Gjergji Papa (PD), Vangjel Tavo (LSI) dhe Vangjel Dule, Kryetar i Partisë Bashkimi për të Drejtat e Njeriut (PBDNJ). /Citynews.al





Lajmet e fundit nga