Veliaj dhe mediat kapen në krim/ Nga Elvi FUNDO

10 Tetor 2016, 10:37, Aktualitet CNA

Kryebashkiaku i Tiranës Erion Veliiaj është lideri i korrupsionit dhe pengmarrjes të medias, njëriu që po e kriminalizon atë. Shumica e pronarëve të tyre kanë interesa dhe mardhëniet me pushtetarët i kryejnë në mënyrë korruptive dhe klienteliste.

Rasti më i fundit i bllokimit të një emisioni denoncues ndaj Veliajt në Vizion Plus, është sirena e alarmit se MEDIAT KANË VDEKUR dhe janë në gropën që Veliaj ka hapur për to.

Koço Kokëdhima pushon nga puna drejtuesen e televizionit dhe investigoi në Sharrë, vdekjen e një adoleshenti.

Vizion Plus mbyll emisionin se investigoi në Sharrë, media të tjera me titra ose jo, kombëtare e lokale heshtin për krimin në Sharrë, të urdhëruar nga Veliaj.

Lind pyetja pse ka frikë kryebashkiaku Veliaj nga vdekja e një adolëeshenti në Sharrë? Mos vallë është një krim që e akuzon kryebashkiakun për vrasje?

Minimalisht me veprimet e kryera Veliaj po pengon zbardhjen e ngjarjes dhe duhet akuzuar për fshehje të krimit. Ndërsa mediat turpësisht vazhdojnë ti shërbejnë në veprimin e tij kriminal.

Heshtje, qetësi, pushimë, bllokime.

Asnjë nuk ka faj, Top Channel ka interesa, Klani ka interesa, Vizioni kërkon disa leje ndërtimi, mediat e Ylli Ndroqit, Astrit Veliajt, Karlo Bolinos apo Irfan Hysenbelliut kanë biznese nga pas të lidhura më Bashkinë e Tiranës e kështu me rradhë gazetat e Çilrave e co.

Asnjë nuk ka faj, këto nuk janë media në fakt, por ekrane që përdoren për interesa klienteliste, sipas interesave të pushtetit. Të gjitha pa përjashtim po i shërbejnë Veliajt, dikush bën si i mërzitur me Ramën, por të gjithë e duan Veliajn.

E duan sepse presin planin urbanistik, aty ku ata shohin sipërfaqet e kullave të tyre, trojet që do ndërtojnë, milionat e eurove që do fitojnë. Gjithçka e kanë të lidhur me Veliajn të cilit sot i bëjnë fresk si dje Lulzim Bashës në Bashki, sot të gjithë i ka kundër.

Kriminale, korruptive por e vërtetë. Mediat po i shërbejnë Veliajt për të fshehur një krim, ato janë bashkëpunëtore në këtë akt kriminal të kryebashkiakut të Tiranës. Mediat pranojnë të bëhen bashkëpunëtore në krim për disa leje ndërtimi.

Në fakt janë media të kriminalizuara të zhytura në llum nga borxhet dhe korrupsioni politik. Janë ato që varosin të vërtetën dhe janë po as përgjegjëse sa politika për gjendjen katastrofike të këtij vendi. Janë ata që bëjnë ?moral?, por në fund i shërbejnë padroni politik për interesa klienteliste dhe korruptive duke vrarë dhe varosur të vërtetën që bërtet dhe akuzon një kryebashkiak që e ka emrin Erion Veliaj. (Shkruar per Citynews)