E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Meta për cështjen came të bëjë të paktën sa konti Ciano në 1940

10 Tetor 2016, 17:07, Aktualitet CNA

Kryetari i Kuvendit të Shqipërisë Sh.T. Ilir Meta po kryen një vizitë zyrtare në Athinë. Kjo vizitë kryhet në kushte krejtësisht të reja krahasuar me cdo vizitë të mëparshme të një personaliteti shqiptar të rangut të z. Meta (kryeparlamentar, kryeminsitër apo president). Austriaku realist, i ndershëm dhe filoshqiptar Han ka hapur Kutinë e Pandorës për grekët dhe Greqinë me theksimin e ekzistencës dhe domosdoshmërisë së zgjidhje së cështjes came. Presidenti Erdogan për qëllime të politikës së brendshmë turke dhe për të forcuar pushtetin personal ka hapur cështjen e denoncimit të Traktatit të Lozanës nga ana e Turqisë dhe të një rishikimi të kufirit turko-grek në disa prej ishujve të Egjeut dhe jo vetëm.

Një Greqi me benevrekët të rëna deri në fund të këmbëve nga kriza e ashpër dhe e stërzgjatur ekonomike tashmë fare mirë mund të shndërrohet në shtet sanduic midis presionit vdekjeprurës turk për rektifikim kufijsh detarë e tokësorë dhe presionit tejet modest shqiptar për rihapjen e cështjes came.

Është rast i artë për Sh.T. Ilir Metën të shlyejë turpin e epitetit ?Kryeministri i Korfuzit (Nano në të njejtën kohë u quajt Kryebashkiaku i Janinës), të vitit 2001. Meta mund të shkëlqejë si patriot edhe për faktin që partia e Idrizit është tepër e zënë për tu marrë me cështjen came, sepse po hahet dhëmbë për dhëmbë me Kryeminsitrin Rama për kolltuqe e karrige drejtorësh në drejtori, që në të folurën popullore quhen drejtori me lekë(Sic!)

Nuk pritet ndonjë gjë e jashtëzakonshme nga Sh.T. Ilir Meta. Mjafton që ai të jetë po aq pro cështjes came sa gjysma e qëndrimit në gusht 1940 të Kontit Galeaco Ciano, ministër i jashtëm i Italisë dhe dhëndërr i Duces. Më poshtë po japim tekstin italisht dhe shqip të pasazheve nga një telegram i ambasadorit italian Grazzi në Athinë (13 gusht 1940). Në pasazhe informohet ministria e punëve të jashtme sesi ambasadori Grazzi ia kishte komunikuar mesazhin e Cianos ministrit të jashtëm grek Mavroudis.

Mesazhi i Cianos për cështjen came

La questione della Ciamuria non è stata inventata dall’Italia. Essa esiste dal 1912, e l?Italia, subentrata al Governo albanese nella tutela dei diritti del popolo albanese non può certo seguire le lotte degli albanesi di Ciamuria per la propria esistenza nazionale con interesse meno vivo di quello con cui esse sono state sempre seguite finora, tanto più quando fatti come il recente assassinio stanno a dimostrare che gli odi e i rancori sono ancora vivissimi e che elementi greci e grecofili non esitano, colla evidente connivenza almeno delle Autorità locali, di fronte al delitto e alla soppressione violenta degli elementi albanesi non disposti a lasciarsi snazionalizzare. Innumerevoli volte ho avuto occasione di segnalare al Ministero la situazione fatta agli albanesi in quella provincia, le difficoltà frapposte al traffico di frontiera e al libero esercizio del diritto di proprietà, gli ostacoli ai contatti fra albanesi attraverso il confine.

Cështja e Camërisë nuk është shpikur nga Italia. Ajo ekziston, që nga viti 1912 dhe Italia duke zëvendësuar qeverinë shqiptare përsa i përket mbrojtjes së të drejtave të popullit shqiptar, nuk mund ta ndjekë luftën e shqiptarëve të Camërisë për ekzistencën e vet kombëtare me interes më pak të gjallë sesa ai, me të cilin ajo është ndjekur gjithnjë deri tani. Për më tepër, që ngjarje si vrasja e kohëve të fundit demostrojnë, që urrejtja dhe keqdashjet janë ende shumë të gjalla dhe që elementë grekë e grekofilë nuk hezitojnë, me përkrahjen e dukshme të më së paku autoriteteve lokale të kryejnë krime dhe të shtypin përdhunshëm elementët shqiptarë, që nuk pranojnë të shkombëtarizohen. Ka pasur raste pafund që kam lajmëruar ministrinë (e jashtme greke) për gjendjen, që u është krijuar shqiptarëve në këtë provincë, si vështirësitë, që u shkaktohen në trafikun ndërkufitar, vështirësitë për lirinë e pronës së tyre, pengesat për kontaktet me shqiptarët e përtej kufirit.

Grekët para një qëndrimi të tillë të fortë si zakonisht njëlloj si qentë rrugacë kanë futur bishtin nën shalë dhe kanë filluar të kuisin. Në këtë kontekst mund të përmendim rastin e pushtimit të Korfuzit nga Italia si ndëshkim për vrasjen e gjen. Telinit nga banditë grekë të urdhëruar e të paguar nga xhandarmëria e Janinës.

Sic do shohim më poshtë qëndrimit të prerë të Cianos ministri grek i punëve të jshtme Mavroudis i përgjigjet me përulësi të mbushur me frikë. Ja pasazhi tjetër i informazionit të ambasadorit Grazzi:

Sul caso specifico dell?assassinio, quanto ai due imputati mi ha detto che essi già si trovano in stato d’arresto e mi ha assicurato che saranno estradati senz’altro a nostra richiesta, e ciò sebbene giuridicamente sia discutibile se vi sia fondamento alla estradizione. Mi ha lungamente e ripetutamente affermato che al Governo greco l?ucciso risultava unicamente un bandito colpevole di reati comuni e non un militante nazionalista. Ha recisamente smentito che la testa dell’ucciso sia stata trasportata da un paese all?altro. Essa è stata portata in Grecia dagli assassini soltanto perché questi volevano servirsene per incassare la taglia che pendeva sull?ucciso, ciò che sarebbe stato secondo lui l?unico movente del delitto,

Për rastin specifik të vrasjes (bëhet fjalë për vrasjen e patriotit cam Daut Hoxha), për sa i përket dy vrasësve më tha që ata janë tashmë në gjendje arresti dhe më siguroi, që do të ekstradohen pa tjetër, sapo të bëjmë kërkesë për ekstradim, ndonëse nga pikëpamja juridike është e diskutueshme, nëse ekstradimi është i bazuar apo jo. Ma ka përsëritur gjatë pohimin që për qeverinë greke i vrari rezulton thjesht një bandit fajtor për krime ordinere dhe jo një militant nacionalist (Shqiptar). Ai ka përgënjeshtruar me forcë, që koka e prerë e të vrarit ka kaluar kufirin nga një vend në tjetrin. Koka u cua nga vrasësit në Greqi vetëm me qëllimin që të merrnin shpërblimin e vënë për kokën e tij (Daut Hoxhës). Sipas tij (ministrit grek) shpërblimi ka qenë i vetmi motiv për vrasjen.

Në këto rrjeshta duket qartë frika e ministrit grek dhe gadishmëria greke për t?i shitur fajtorët (po grekë etnikë) vetëm e vetëm për të qetësuar inatin e Cianos. Një praktikë e tillë greke për të shitur lëkurën e grekëve të vet për qëllime politike më kujton sjelljen e ambsadorit grek të kohës me Fatos Nanon, kur ai i la dorë të lirë Nanos për të plotësuar një tekë personale të Kryeministrit shqiptar: arrestimin e grekofonit Delijorgji për kontrbandë hekuri ukrainas në përmasa të mëdha. Liria personale e homogjenit Delijorgji ishte thjesht limon i shtrydhur para domosdoshmërisë greke për të përmirësuar humorin e prishur të dhëndërrit të ri Nano (martesa taze në atë kohë me Xhoanën).

Meta burrë shteti

Grekët janë në hall të jashtëzakonshëm. Metës i ka ardhur zogu në dorë për tu treguar super patriot dhe burrë shteti shqiptar duke mbajtur qëndrim dinjitoz para grekërve. Meta ka rastin e artë të tregohet më cam se camët përsa i përket dashurisë për Camërinë dhe patriotizmit e shqiptarizmës në përgjithësi.

Telegrami i plotë i ambasadorit italian Grazzi në Athinë mund të konsultohet në linkun:

http://www.alieuomini.it/pagine/dettaglio/documenti,11/guerra_di_grecia_la_marcia_verso_il_conflitto_-,128.html

GJERGJ THANASI