web counter
LEXO PA REKLAMA!

SHKARKO APP

App Store
Google Play

Hill: Ambasada Amerikane nuk pati rol në arrestimin e Fatos Nanos/ Një mit shqiptar

4 Tetor 2016, 08:54, Aktualitet CNA

Diplomati i parë i dërguar nga SHBA në Shqipëri në vitin 1991, Christopher Hill gjatë vizitës së tij në Shqipëri në një intervistë për Tonight Ilva Tare, ndër kujtimet për Shqipërinë e atyre viteve iu pergjigj edhe pyetjes nësë ka pasur ndonjë rol Ambasada Amerikane në burgosjen e Fatos Nanos.

?Jo jo, zero. Kurrë nuk mendoj se as Rajerson as nga ndonjë nga diplomatët tanë të jetë konsultuar për këtë. Kjo është një nga ato mitet shqiptare.?

Ambasadori Hill duke folur për politikën aktuale kërkoi nga klasa politike shqiptare më shumë dialog për hir të interesit kombetar

?Ajo që dua të them është se çdo kush mund të ketë interesa në politikë. Ne kemi interesat politike si SHBA, çdo kush është i lirë t?i ketë ato, por ka momente të caktuara kur duhet të jeni shumë seriozë dhe shumë të qetë dhe të kuptoni se duhet të bëheni bashkë për të arritur atë që doni?, tha Hill.

Diplomati amerikanë ka dhënë edhe një mesazh per popullin pas 25 viteve të ndertimit të demokracisë: ?Mos e humbisni durimin dhe kuptoni që demokraci do të thotë të ndodheni në situata të ndryshme politike. Njerëzit mund të debatojnë, mund të luftojnë. Ka momente të caktuara në demokraci, kur njerëzit duhet të bëhen bashkë dhe të zgjidhin probleme të ndryshme, sepse qëllimi për të përmbushur rrugëtimin e Shqipërisë drejt euroatlantikut nuk është përmbyllur akoma?, tha Hill.

Christopher Hill u takua me krerët kryesorë në vend presidentin Nishani,  kryeministrin Rama, kreun e opozites Basha dhe ish presidentin. Ai u dekorua nga presidentin Nishani,  me urdhrin ?Gjergj Kastrioti Skënderbeu? për kontributin e tij si diplomat në Shqipëri. /Citynews.al





Lajmet e fundit nga