Ne Shqipëria/Nëse doni të kuptoni problemet e Shqipërisë, fiksojeni mirë këtë fytyrë

4 Tetor 2016, 08:44, Aktualitet CNA

Ben Blushi ka dritëhijet e tij, si çdo politikan. Jo të gjithë janë të bindur nga retorika e tij. Por kauza për të cilën ai ka luftuar gjatë kësaj kohe është e drejtë. Partitë shqiptare janë burimi i problemeve tona. E janë të tilla sepse janë prona personale të kryetarëve ku askush nuk guxon të kundështojë e të reagojë ndaj vendimeve të padrejta. Ben Blushi mbase do ishte vetë një diktator partiak nëse do i jepej mundësia, por problemi që ai ngre është i drejtë dhe është më shqetësues se kurrë. Problemi i mbetjeve është thjesht prova e rradhës se si një parti e tërë i nënshtrohet vullnetit të kryetarit, pasi ai ka bërë pazarin e rradhës për interesin e tij personal.

Të rinjtë duhet të ishin ata që duhet ta ndryshonin këtë realitet. Ata duhet të ishin shpirti i rrebelimit ndaj autoritetit absolut. Duhet të ishin ata të cilët, të pashqetësuar për përfitime të vogla të momentit, do të luftonin për ideale dhe parimet e mëdha. Sepse nëse je i ri e nuk je idealist atëhere nuk ke zemër, siç thoshte Churchill.

Fatkeqësisht të rinjtë e partive tona janë ndryshe. Ata janë më keq edhe se të vjetrit të cilët duan të zëvendësojnë. Janë shëmbelltyra më e keqe e boshllëkut moral të 25 viteve të fundit. Ata nuk kanë ide, nuk kanë parime, nuk kanë asgjë të shenjtë. Kanë parë shembullin më të keq të karrierës politike gjatë kësaj kohe dhe janë të vendosur ta replikojnë këtë model. Një model që nënkupton servilizëm maksimal ndaj kryetarit dhe mohim të çfarëdo të drejte për këdo tjetër.

Znj. Spiropali është ndër shembujt më mizerabël të kësaj gjenerate politikanësh. Megallomane deri në idiotizëm dhe karrieriste e sëmurë, ajo ka vendosur të shërbejë deri në fund si një papagalle mediatike e kryetarit që i shërben. Pasi dështoi në mënyrë spektakolare në Doganat Shqiptare (në vendin e parë ku punonte gjatë jetës së saj, për më tepër) duke i shkaktuar miliona euro dëm shtetit, ajo nuk ka vendosur të tërhiqet nga politika ashtu siç i takon. Përkundrazi, ajo sot më shumë se kurrë sot synon majat e larta të politikës me formulën më të pështirë të mundshme: duke sulmuar një nga të paktët persona që artikulon një nga problemet thelbësore të shoqërisë tonë. Injorante në formim, e cekët në artikulim, ajo gjithsesi beson se servilizmi i saj do e çoj gjithmonë e më lart në politikë.

Ne mendojmë ndryshe. Ne mendojmë që karriera si ajo e saj nuk duhen shpërblyer, përkundrazi duhen ndërprerë sa më shpejt. Mbi të gjitha mendojmë se modeli i karrierës politike të ndërtuar mbi këtë lloj servilizmi ekstrem, edhe kur konsiderohesh një hajdute e pangopur, nuk duhet të shërbejë më si frymëzim për gjeneratat që vinë. Kudo e kurdo të mundni, kundërshtojeni karrierën politike të znj. Spiropali!

Votoni interesin publik, votoni interesin e qytetarëve, dhe jo të kryetarëve që mbijetojnë falë kufomave morale si znj. Spiropali.