web counter
LEXO PA REKLAMA!

SHKARKO APP

App Store
Google Play

Publikoi foton e pacientes së dëmtuar nga kanabisi, procedohet mjeku

4 Tetor 2016, 06:40, Aktualitet CNA

Shpërdorim detyre është akuza e ngritur kundër mjekut Mhill Gecaj I cili në një postim në rrjetet sociale publikoi një foto të dorëss ë një pacienteje , e cila sipas tij kishte marrë dëmtime për shkak se kishte kultivuar kanabis.

Policia e Tiranës thotë se po procedon në gjendje të lirë mjekun 48-vjeçar, banues në Tiranë, me detyrë mjek në qendrën shëndetësore Kamëz.

Policia e ka marrë nën hetim, pasi megjithëse ka publikuar të dhënat e pacientit, mjeku nuk ka dhënë informacion tek organet kompetente mbi mjekimin e shtetases F. I..

Policia sqaron se mjeku M.G., në faqen e tij të ?Facebook? ka publikuar rastin e mjekimit duke pretenduar se pacientja ka pësuar efekte anësore nga kultivimi i bimëve narkotike.

?Procedimi i këtij shtetasi ka nisur pasi ka publikuar të dhëna të pacientëve në kundërshtim me urdhërin e mjekut dhe detyrën e tij si dhe nuk ka dhënë informacion tek organet kompetente mbi mjekimin e shtetases F. I..

Sipas deklarimeve te mjekut, pacientja dyshohet të ketë marrë dëmtime gjate kultivimit te bimes narkotike Cannabis Sattiva. Shtetasi M.G., në faqen e tij të ?Facebook? ka publikuar rastin e mjekimit duke pretenduar se pacientja ka pësuar efekte anësore nga kultivimi i bimëve narkotike?, sqaron policia.

?Nga verifikimet e kryera ka rezultuar se në datë 24.09.2016, rreth orës 18:00, në qendrën shëndetësore Kamëz, është paraqitur dhe ka marrë mjekim, e sëmurë me alergji shtetasja F. I. Po punohet për gjetjen e kësaj shtetaseje dhe sqarimin e rrethanave të kësaj ngjarjeje?, thuhet më tej.

Materialet procedurale iu kaluan Prokurorisë pranë Gjykatës së Shkallës së parë Tiranë, për veprën penale ?Shpërdorimi i detyrës?. /Citynews.al





Lajmet e fundit nga