MAS vë nën tutelë bordet e Universiteteve/ Autonomia në rrezik

4 Tetor 2016, 06:54, Aktualitet CNA

Ngritja e Bordeve të Universiteteve duhet të ishte ngritur tashmë, sipas ligjit të ri për arsimin e lartë. Roli i tyre është shumë të rëndësishëm për mirëfunksionimin e tyre, por edhe për zbatimin e ligjit të arsimit të lartë. Deri tani i vetmi universitet ku është zgjedhur bordi është Politekniku dhe aty drejtor është zgjedhur sekretari i përgjithshëm i Ministrisë së Arsimit.

Shqetësimi i ish-ministrit të arsimit Myqerem Tafaj, është se lista e MAS për bordet u është dërguar universiteteve dhe se në të bëjnë pjesë militantë. Sipas Tafajt, kjo nuk i shërben aspak cilësisë së universiteteve, pasi sipas tij në këto borde duhet të emërohen njerëz publik. Në një prononcim për gazetën ?Sot?, Tafaj shprehet: ?Qeveria ka dërguar në universitetet publike listat e anëtarëve të jashtëm të bordeve. Në përgjithësi, ata janë militantë politikë dhe nëpunës të lartë të administratës publike, të cilët dërgohen në bord për të zbatuar me përpikmëri strategjinë e kësaj qeverie jo për zhvillimin e universiteteve publike, por, më së pari, për vënien e tyre nën tutelë të plotë. Këta anëtarë të bordeve ngjajnë me ushtarët që hapin shtigjet ku do të kalojnë ?komisarët? politikë, të cilët do t?i dërgojë së shpejti qeveria si dekanë dhe rektorët e vërtetë të fakulteteve dhe universiteteve publike dhe në ligj quhen ?administratorë?, thotë Myqerem Tafaj.

Tafaj vijon më tej duke shpjeguar rëndësinë e bordit: ?Sipas ligjit të ri, Bordi i Administrimit i universitetit publik është një organ me kompetenca shumë të rëndësishme dhe më i fuqishëm sesa Senati akademik. Si i tillë, Bordi është krejtësisht i pakrahasueshëm me ish Këshillin e Administrimit. Sipas nenit 47 të ligjit, ?Bordi i Administrimit është organi më i lartë kolegjial administrativ, i cili garanton përmbushjen e misionit të institucionit të arsimit të lartë, mbarëvajtjen financiare dhe administrative të tij?. Nga ky përcaktim i ligjit, kuptohet qartë, sesa i rëndësishëm është Bordi për universitetin: ai garanton përmbushjen e misionit të universitetit!?.

Sipas ish-ministri i Arsimit MAS ka në listën e propozuar për anëtarë të bordeve në universitete ka vendosur militantë politikë, pasi në këtë mënyrë kërkon të vejë nën tutelë universitetet duke vënë në dyshim autonominë e tyre. ?Vënia nën tutelë e universiteteve publike nga ana e qeverisë, përmes bordeve dhe administratorëve, asgjëson autonominë universitare.? /Citynews.al