web counter
LEXO PA REKLAMA!

SHKARKO APP

App Store
Google Play

E fundit!

x

Kordinatorja Soqina grindet me të dashurin, sekretarin e burimeve seksuale Fat Kadillaku

25 Shtator 2016, 10:25, Aktualitet CNA

Kordinatore Soqina e kishte bërë në plan që kjo të ishte ditë sherri me të dashurin e saj, sekretarin e burimeve seksuale të Partisë D, Fat Kadillakun. Para se të dilte aty ku donte Soqina vendosi ta prekte në një pikë të dobët, atë të mbiemrit.

-Edhe ti me këtë mbiemër anadollak,- i tha Soqina duke marrë në dorë një kartvizitë të të dashurit të saj.

-E dashur, ta kam shpjeguar që mbiemri im nuk është anadollak, nuk ka lidhje me gjykatësit e kohës së Turqisë, siç mund të duket, por me veturën e famshme ?Kadillak?. Stër-stërgjyshi im ishte një nga emigrantët e parë në Amerikë nga Shqipëria dhe solli një veturë ?Kadillak?, prandaj neve si familje na mbeti mbiemri ?Kadillaku?. Në kohën e Enver Hoxhës babai e ndryshoi mbiemrin, sepse regjimi komunist ishte kundër Amerikës, ose më saktë i hoqi rrokjen e fundit.- Tha Fat Kadillaku.

-Ashtu? Atëherë pse ti pas rënies së komunizmit nuk e more përsëri mbiemrin ?Kadillaku??- E pyeti Soqina me ironi.

-Më dhe një ide të mirë, -tha Fat Kadillaku, – edhe mund ta bëj.

-Po, -tha Soqina, – do ta bësh kur të ngjallet gomari i stërgjyshit që ti e quan ?kadillak?.

-E dashur sot nuk u flitka me ty,- tha Fat Kadillaku,- qenke me nerva.

-Jam me nerva, -tha Soqina, -sepse afroi datëlindja tënde dhe ti nuk thua asnjë fjalë se ku do ta kalojmë.

Kur kanë mbetur edhe pak ditë nga datëlindja e sekretarit të burimeve njerëzore seksuale të të partisë D, Fat Kadillaku, atë e ka gjetur halli i përvitshëm. Sherri me dashnoren e tij kordinatoren rajonale të partisë, Soqinën, e cila i kërkon që për ditëlindje të mos udhëtojë jashtë shtetit me gruan, por me të.

Kur ishin në pushtet, Fat Kadillaku i gënjente të dyja, Soqinën dhe gruan, duke iu thënë se si zyrtar i lartë ai në ditën e lindjes së tij ishte i ftuar në në festën zyrtare të Kinës, që binte po atë ditë, sepse lideri i partisë D që ishte dhe kryetari i qeverisë, iu kushtonte rëndësi të madhe marrëdhënieve ekonomike me Kinën. Por tani që ishin në opozitë nuk pinte më ujë kjo gënjeshtër.

Sa shumë dizavantazhe ka dalja në opozitë, tha me vete sekretar Fat Kadillaku dhe meqënëse Soqina priste një përgjigje, ai i tha:

-E dashur, ti duhet të më kuptosh, si mund të mos jem me familjen time për ditëlindjen?

Këto fjalë e zemëruan akoma për tepër kordinatore Soqinën, e cila ia numëroi tëk e tek të gjitha:

-Në korrik ishe në Mal të Zi me gruan, në prill ishe në Japoni me të, në mars ishe në Romë me të , për Krishtlindje dhe Vitin e Ri ishe në Danimarkë me të. Për datëlindjen time në gusht nuk u kujtove që të shkonim për ndonjë udhëtim të bukur jashtë shtetit.

-I di të gjitha këto e dashur, m? i ke thënë gjatë vitit.- Tha Sekretar Fat Kadillaku.

-Dhe ti më ke thënë se si kompensim, për datëlindjen tënde këtë vit do të shkonim për një udhëtim të bukur. ?I tha Soqina.

-Dhe do ta mbaj fjalën e dashur, do ta kalojmë drekën bashkë, ndërsa darkën do ta kaloj me familjen.- i tha Sekretar Fat Kadillaku.

-Si do të vish nga Londra në Tiranë pasdreke për të kaluar darkën me familjen? Apo do të fluturosh me kadillakun e stërgjyshit?- U habit Soqina.

-C? hyn Londra këtu?- Tha Fat Kadillaku.

-Harrove që kur nuk udhëtuam jashtë shtetit për datëlindjen time në gusht, ti më the si për datëlindjen tënde në tetor do të bënim një udhëtim në Londër?- I tha Soqina.

-E dashur, më paske dëgjuar gabim, unë të kam thënë që do të shkojmë në Lundër, afër Tiranës, jo në Londër. Di një vend në Lundër ku hahet shumë mirë.

-Në Lundër shko me atë që ke në shtëpi, – u tërbua Soqina, – anadollak. Edhe unë që rri e dëgjoj përrallat e tua me kadillak.

-E dashur por edhe mbiemri yt në anglisht përkthehet ?nothing?,- i tha Fat Kadillaku.

Kjo e tërboi shumë Soqinën e cila mban një mbiemër të njohur ortodoks korçar. Deshi ta qëllonte me një dackë, por vendosi të presë deri në zgjedhje pasi Fat Kadillaku i kishte premtuar ta bënte deputete.





Lajmet e fundit nga