web counter
LEXO PA REKLAMA!

SHKARKO APP

App Store
Google Play

E fundit!

x

Llalla dështoi/ Kërcënimi - Kërkon të ikë si “trim”

25 Shtator 2016, 08:15, Aktualitet CNA

Prokurorit Llalla po i vjen fundi i mandatit dhe do të largohet me një akt trimërie. Kështu e ka komentuar ish-kreu i Shërbimit Informativ Shtetëror, Fatos Klosi, lajmin se kryeprokurori Adriatik Llalla është kërcënuar me jetë për shkak të detyrës. Klosi thotë se edhe largimi i familjes së kryeprokurorit nga Shqipëria për arsye sigurie, ka të bëjë pikërisht me planin e Llallës për t?u larguar, pasi puna e tij ka qenë e dështuar dhe nuk ka arsye të kërcënohet. Ish-kreu i shërbimit të spiunazhit, në një prononcim për gazetën ?Sot?, deklaron se askush nuk mund ta kërcënojë atë, pasi kryeprokurori ka dështuar me të gjitha dosjet e rëndësishme të korrupsionit.

?Prokurorit po i vjen fundi i mandatit dhe kërkon të ikë me një akt trimërie se e kanë kërcënuar, dhe tani po largon familjen e më pas do të largohet edhe vetë. Çfarë ka bërë prokurori që mund ta kërcënojnë?! Dosjet e rëndësishme që ka hapur, i janë rrëzuar në gjykatë. Praktikisht, efektiviteti ka qenë zero. Më duket se prokurori po bën aktin e fundit para se të ikë. Po bën një akt trimërie sikur është kërcënuar dhe tani është i detyruar të ikë?, tha Klosi.

Ish-kreu i SHISH tha se ata zyrtarë me poste të larta publike që janë kërcënuar apo vrarë, nuk mund të themi se u ka ndodhur për shkak të detyrës.

?Kush është kërcënuar për shkak të detyrës? Është vrarë Azem Hajdari por jo për shkak të detyrës. Edhe gjyqtari i Vlorës që u vra, nuk dihet për shkak të detyrës apo për çështje personale. Edhe punonjësi i SHIK të Durrësit. Janë dy ngjarje që kanë mbetur enigmë se përse janë vrarë?, u shpreh Klosi. /Citynews.al





Lajmet e fundit nga