Kur krimin e njofton Ministri i Brendshëm/ Nga Elvi FUNDO

16 Shtator 2016, 11:43, Aktualitet CNA

Një ngjarje e pa precedent ka ndodhur mbremjen e djeshme në emisionin Opinion të Blendi Fevziut. Gazetari Artan Hoxha ka deklaruar në emision se shtetasi italian i ndaluar nga prokuroria për rrëzimin e një avioni në Ishëm të Durrësit dje në mëngjes, kishte pranuar dhe treguar se ishte në Shqipëri për të marë një ngarkesë me drogw.

Kjo deklaratë e Artan Hoxhes u quajt dekonspirim hetimi nga prokuroria e krimeve të rënda dhe gazetari u shoqerua për tu marë në pyetje. I menjëhershëm ka qenë reagimi i PD-së, nëpërmjet një deklarate në mesnatë PD tha se ishte Ministri i Brendshëm Saimir Tahiri personi që kishte dekonspiruar hetimet dhe kishte njoftuar gazetarin.

Me tekj akuzat u thelluan edhe sot. Burime i thanë Citynews se prokuroria tashmë ka në dorë se kush e njoftoi gazetarin dhe që coi në dekonspirimin e hetimit. Të njëjtat burime theksuan se edhe në rast se sms është prishur do jenë tabulatet që do nxjerin kush ka cuar mesazhin për të cilin ka dyshime të forta dhe të besueshme se ka qenë Ministri Saimir Tahiri.

Dekonspirimi i një hetimi për trafik ndërkombëtar droge, duke njoftuar trafikantët nepërmjet mediave se piloti i tyre ka folur është një akt kriminal që ndodh për herë të parë ose të paktën faktohet për herë të parë nga një hetim.

Ministri i Brendshëm con sms dhe dekonspiron prokurorinë e cila po shkonte drejt gjurmëve dhe zbardhjes së rastit. Më e pakta ky veprim tregon se porositësit apo shitësit e drogës janë miq dhe të njohur të Ministrit Tahiri ose maksimalisht droga që do transportohej ka qenë e vetë Ministrit të Brendshëm. Vetëm këto janë dy përgjigjet.

Këto dy përgjigje ndezin një skandal edhe më të madh duke vërtetuar me fakte dhe prova se Ministri Saimir Tahiri ka njohje dhe lidhje të forta me trafikantët e drogës, tashmë i kapur gjallë.

Me këtë lloj veprimi në cdo vend normal të botës ministri do jepte dorëheqjën ose në të kundër kryeministri duhet ta shkarkonte dhe t?ja jepte drejtësisë. Në Shqipëri nuk ndodh as njëra dhe as tjetra, ministri vazhdon detyrën përpiqet të manipulojë hetimet dhe vazhdon të punojë i qetë në trafikun ndërkombëtar të drogës, ose si shitës ose si mbrojtës./ Shkruar per Citynews