E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Basha: Ekonomia dhe biznesi kanë hyrë në ciklin e zi të krizës/ Edi Rama vazhdon të krihet para kamerave

31 Gusht 2016, 13:41, Aktualitet CNA

Kryetari i Partisë Demokratike Lulzim Basha në një deklaratë për mediat ka vënë theksin mbi lajmet më të fundit të Bankës së Shqipërisë për tkurrjen e ekonomisë së vendit me rënien e kreditimit. Ai bën përgjegjës direkt kryeministrin Edi Rama për përqëndrimin e parave në duart e oligarkëve dhe uljen e qepenave të biznesit të ndershëm.

?Lajme të këqija vijnë nga ekonomia e vendit që vazhdon të tkurret e të dobësohet. Shifrat zyrtare te Bankës së Shqipërisë konfirmuan se kreditimi i ekonomisë në korrik 2016 ra 0.3% krahasuar me një vit më parë. Kjo ka ardhur si pasojë e uljes me 1.7% të kreditimit për bizneset. Krahasuar me një vit me parë, por edhe nga muaji ne muaj situata vjen në përkeqësim.
Gjatë muajit korrik kreditimi ra me 0.5% krahasuar me muajin qershor, dhe kjo si pasojë e uljes me 1.2% të kreditimit të bizneseve. Rënia e kreditimit do të thotë rënie e investimeve, më pak vende pune, më pak konsum, më pak prodhim. Të gjitha shenja se ekonomia dhe biznesi kanë hyrë në ciklin e zi të krizës së madhe?, shprehet Basha.

Sipas kreut të PD-së kjo situatë në realitet përkthehet me mbylljet e bineseve. ?Vetëm në muajt maj dhe qershor 4 mijë biznese ndaluan aktivitetin. Rënia e kreditimit është sinjali më i fortë i mosbesimit dhe panikut që ka mbërthyer ekonominë e biznesin. Ekonomia dhe biznesi sigurisht do të njohin rënie e zvogëlim, sepse duhet të përballojnë dy realitete të paligjshme, ekonominë e biznesin e korrupsionit qeveritar dhe ekonominë e biznesin e drogës?, tha Basha.
Kreu i demokratëve tha se ekonomia e biznesi i ndershëm është drejt falimentimit sepse të gjithë tenderat, koncesionet, pasuritë e paratë e shqiptarëve i marrin një grusht oligarkësh, që janë fitues të paracaktuar si miq të Edi Ramës.
?Ekonomia e biznesi i ndershëm është drejt mbylljes së qepenave e në vend të tyre lulëzon biznesi i bandave të drogës të cilët fitojnë miliona euro cdo muaj në mënyrë të paligjshme, dhe kanë licencën e Edi Ramës në këmbim të taksës 30 përqind për çdo rrënjë. Edi Rama vazhdon të krihet para kamerave, ndërkohë që ekonomia e biznesi i vendit po shkrumbohen?, thuhet në deklaratën për mediat të kreut të PD-së Basha. /Citynews.al