LEXO PA REKLAMA!

SHKARKO APP

Video/Denoncimi, policia tërheq zvarrë 70 vjeçarin

27 Korrik 2016, 14:00, Aktualitet CNA

Pak minuta pasi kryeministri Edi Rama i thuri lavde Policisë së Shtetit dhe ministrit Sajmir Tahiri, që kishte dhënë kontribut të madh në transformimin e forcave të rendit,  në rrjetet sociale nisi të qarkullojë një video që tregon sjelljen brutale të uniformave blu.

Në videon e mëposhtme shihet se si e tërheqin policët zvarrë një të moshuar, i cili nuk pranon që t’i prishet banesa.

Ngjarja ndodh në Tiranë. Qytetarit i kanë kërkuar të dalë nga shtëpia, pasi ajo do të shembet, për t’i hapur rrugë ndërtimit të një rruge.

Ndërkohë PD përmes një deklarate dënon ngjarjen e ndodhur.

?70 vjeçari, në videon që po qarkullon në gjithë mediat, dëgjohet teksa thotë se është invalid. Ai u bën thirrje ta lëshojnë, dhe shpreh indinjatën për dhunën e 20 policëve ndaj një të moshuari. Kjo video është dëshmia e policisë së Tahirit dhe Edi Ramës, që nën drejtimin e tyre dhunon një 70 vjeçar invalid, ndërkohë që lejon drogën të pushtojë vendin e u shërben bosëve të trafikut. Kjo është policia e Tahirit që sulmon në mënyrë primitive qytetarët, e ndërkohë flak në rrugë 7 oficerë që prekin pa dashje kunatin e ministrit.

Krerët e policisë së Tahirit janë sekserët e kanabisit. Krerët e policisë së Tahirit janë në shërbim të habilajve, të Balilit, të Shullazit, të bandave e trafikantëve. Partia Demokratike vlerëson punën dhe përkushtimin e shumë burrave e grave në uniformë. Koha po vjen që ata të drejtohen nga ligji e interesi publik e jo nga krimi e interesat e tij. Partia Demokratike do të shtypë krimin e trafiqet, do të vendosë dinjitetin e policisë në vendin që meriton, dhe do të garantojë sigurinë e qytetarëve e paprekshmërinë e tyre?, thuhet në deklaratën e PD. /citynews/

Lajmet e fundit nga