E fundit!

18:07 Politikë

Raporti i DASH për Shqipërinë: SPAK, rol kyç në ndjekjen penale të korrupsionit në nivel të lartë

Një raporti i ri për Shqipërinë, që vjen si pjesë e publik...

Sonila Meço: Çdo fund është një fillim i ri

2 Korrik 2016, 10:10, Aktualitet CNA

?Çdo fund është një fillim i ri?. Kështu është shprehur gazetarja Sonila Meço në një intervistë për ?Mapo?. Meço ka folur për vështirësitë e punës së saj në ekran, ndërsa e quan periudhën Post-Agon si rikthin tek vetja.

?Të jesh 15 vjet në ekran, çdo ditë, në programe të rëndësishme, për tema delikate e të forta, të prezantosh, moderosh, drejtosh, analizosh pa humbur logjikën, arsyen, sepse nuk i lejon vetes asnjë gabim, duke u përpjekur të qëndrosh mes zgjedhjeve morale, integritetit dhe nevojës për të mbijetuar në një treg të parregulluar, presionit të politikës, pronarëve, publikut, thashethemeve, atyre që nuk të tolerojnë asnje detaj jashtë tendencave të modës, por që vlerësojnë kapacitetin tënd intelektual edhe nga firma e xhaketës, apo fustanit, që s?të falin botoksin, por as rudhën, s?të falin lodhjen, por as aftësinë për të mos e treguar, që kërkojnë arsye të pandershme për suksesin dhe ndershmëri në pranimin e çdo dështimi, ata që nuk duan të dëgjojnë bisedë, por fajësime, e gjitha kjo të sfilit. Të sfilit në përpjekjen për të pranuar veten siç je, për të pohuar në prezencë të vetes se mjafton. Edhe kaq sa je mjafton. Ti nuk arrin dot të pranosh se je vulnerabël, se ke frikë, trembesh, qan, vuan, të dhemb stomaku para transmetimit, ke lënë prindërit sëmurë, vajzën me temperaturë, ke një migrenë të trasheguar që të bën të thyesh pasqyrat e grimit vetëm pak minuta para programit.? është shprehur Meço.

Gazetarja ka theksuar se ka ardhur koha të rikthehet sërish pas pushimit prej rreth një viti. ? Ama tani po mësoj ta dua fort ?hënën? time dhe këtë betejë e fitova. E fitova duke humbur një tjetër përkohësisht, atë me ata që vendosën të mbyllin një kapitull në jetën time. Bënë mirë, sepse si në profecinë e vetpërmbushjes me statusin e një viti më parë, ka ardhur koha të shkruaj: ?Çdo fund është një fillim i ri?.? përfundon Sonila Meço.