E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Zbulohet dhunuesi i dytë i 31-vjeçarit në Korçë

25 Qershor 2016, 19:13, Aktualitet CNA

Shefi i Krimit të Organizuar në Drejtorinë e Policisë së Korçës, Alfred Nomani është personi i dytë i së bashku me Buis Hysin, shefin e Antidrogës kanë masakruar një 31-vjeçar në ambjentet e policisë në Korçë.

Alfred Nomani rezulton të jetë një nga personat e shkarkur nga detyra dhe arrestuar nga SHKB dhe më pas liruar nga Prokuroria, si dhe përflitet dhe deklarohet si një nga njerëzit që mund tëk etë probleme nga funksionimi i ligjit të dekriminalizimit.

Alfred Nomani ka qenë dhunuesi i 31-vjeçarit Jurxhin Kulla dhe me sa duket është përpjekur të mbulohet dhe i është lënë përsipër shefit të Antidrogës Buis Hysit. Ky i fundit kur ka ndjekur 31-vjeçarin Kulla dhe shokët e tij është rrëzuar.

Këto dëmtime që ka patur e çojnë Buis Hysin tek argumenti se ai është dëmtuar dhe dhunuar nga i arrestuari Kulla. Por në fakt Shefi i Antidrogës nuk është goditur dhe dhunuar nga askush, thjesht është rrëzuar kur ka ndjekur të rinjtë për t?i shoqëruar në polici.

Nga ana tjetër versioni zyrtar i policisë thotë në njoftimin se është arrestuar një 31-vjeçar pasi kishte kundërshtuar punonjësit e policisë në ambjentet e komisiariatit.

Ndoshta ky është rasti i parë në botë kur një qytetar arrestohet se ka rrahur policët brenda në polici. Në fakt me publikimin e fotove u pa se 31-vjeçari ishte masakruar dhe gjithçka nga policia u tentua t?i lihej shefit të Antidrogës, thjesht për faktin se ky ishte i dëmtuar.

Ndërkohë burime konfidenciale dhe nga hetimet që po zhvillohen thanë për citynews se policia është përpjekur të fshehë dhe manipulojë ngjarjen. Një nga dhunuesit kryesor dhe i vërteti është Alfred Nomani shefi i Krimit të Organizuar në Korçë.

Ai së bashku me shefin e Antidrogës janë dhunuesit e të riut, i cili siç duket në fotot e mëposhtme, më shumë se sa rrahur është masakruar nga policia në ambjentet e komisariatit./ citynews