web counter
LEXO PA REKLAMA!

SHKARKO APP

App Store
Google Play

E fundit!

x

Rëndohet pozita e Tahirit/ Konsumon nenin 248 të Kodit Penal, nisi hetime të paligjshme ndaj gjyqtarit

15 Qershor 2016, 06:23, Aktualitet CNA

Ministri i Brendshëm, Saimir Tahiri, i ka hapur dje zyrtarisht luftë gjyqësorit, pasi ka nisur të hakmerret për pezullimin e Haki Çakos dhe për padinë që u bë ndaj tij nga KLD, por duket se ka rënduar dhe më tej pozitat e veta. Tahiri ka urdhëruar Drejtorinë e Krimit Ekonomik që të nisë hetimet dhe kontrollet pasurore për gjyqtarin Arjan Aliaj, i cili firmosi pezullimin e Çakos për skandalin e përgjimeve dhe vendosi në arrest shtëpie dy vartësit e tij.

Gazeta “Sot” shkruan se me këtë veprim ministri ka shkelur ligjin, pasi ka dalë përtej kompetencave, kjo sepse nuk e ka ai të drejtën për të bërë kontrolle pasurore. Ministri ka konsumuar nenin 248 të Kodit Penal, që është ?shpërdorimi i detyrës?. Është prokuroria dhe ILDKP ato që bëjnë hetime të tilla dhe nuk ka fare lidhje policia. Ky veprim i ministrit tregon qartë se ai është në panik të thellë, por dhe se është i përfshirë në skandalin e përgjimeve. Sipas burimeve, prokuroria po avancon ndjeshëm me dosjen e pajisjes së përgjimit, teksa dhe dy zyrtarët e forcave operacionale kanë nisur të flasin dhe ministri tani është trembur jashtë mase.

Mësohet se në prokurori po diskutohet mundësia e nxjerrjes së një flete arresti për ministrin, kjo edhe pas padisë së KLD. Dyshimet janë se përmes pajisjes janë përgjuar shumë persona, përfshirë zyrtarë të nivelit të lartë, ambasadorë e politikanë dhe gjithçka me urdhër të Tahirit. Në ditët në vijim, ai pritet që të merret në pyetje, ndërsa nuk përjashtohet dhe mundësia e arrestimit.

 





Lajmet e fundit nga