Hetimi pasuror ndaj gjyqtarit Aliaj/ Tahiri grusht shteti

14 Qershor 2016, 19:47, Aktualitet CNA

Ish-Kryeministri Sali Berisha e ka konsideruar grusht shteti nisjen e hetimit pasuror nga Policia e Shtetit për gjyqtarin Arjan Aliaj, i cili pezulloi nga detyra Haki Çakon nga detyra e Drejtorit të Përgjithshëm të Policisë si dhe la në arrest shtëpie dy oficerët e policisë.

Përmes një postimi në rrjetet sociale, Berisha shkruan se ky hetim është marrje e pushtetit të KLD-së, Prokurorisë dhe ILDKP-së. “Edvin Shullazi nis kontrollin antiligjor, kriminal e policesk ndaj gjyqtarit Aliaj! Ai me mercenare me uniform merr pushtetin e KLD, Prokurorise se shtetit dhe ILDKP, konsumon keshtu grushtin e shtetit brenda shtetit.

Te dashur miq, mediat sapo njoftuan se, me urdher te Edvin Shullazit, drejtoria e krimit ekonomik te policise ka filluar hetimet ndaj gjyqtarit Arjan Ailaj per kontrollin e pasurise se tij dhe PER VENDIMET e dhena nga ai ne ceshtje pronash, bazuat ne ankesat e qytetareve. Duke mbeshtetur hetimin e cilitdo zyrtar, pa perjashtim, ne perputhje me ligjin denoj me ashpersine me te madhe kete akt te shemtuar policesk qe thyen ligjet dhe kushtetuten e vendit.” është shprehur Berisha.

Ish-Kryeministri thekson se në rastin e gjykatesve hetimi i vendimeve mund te behet vetem nga institucioni kushtetues i Keshillit te Larte te Drejtesise.”Ne Shqiperi ligjet parashikojne hetimin e pasurive dhe veprimtarise se cdo zyrtari. Ne rastin e gjykatesve hetimi i vendimeve mund te behet vetem nga institucioni kushtetues i Keshillit te Larte te Drejtesise ne bashkrendim dhe me ministrine e drejtesise. Kurse pasuria e gjykatesve sipas ligjit hetohet nga ILDKP dhe prokuroria e shtetit. Kushtetuta dhe ligjet e vendit mbrojne cdo zyrtar dhe qytetar nga hetimi policesk i pa autorizuar nga prokuror ose gjykates.” vijon më tej reagimin Berisha.

Ai shton se hetimi ndaj Aliajt është krim i shëmtuar antikushtetues. “Ngarkimi i policise me hetimin e vendimeve gjyqesore te gjykatesit eshte akt antikushtetues banditesk, eshte marrje nga policia e pushtetit te KLD. Kurse hetimi i paautorizuar nga prokuror apo gjykates i pasurive te gjykatesve apo zyrtarve te tjere subjekt i deklarimit te pasurive ne ILDKP eshte krim i shemtuar antikushtetues, eshte marrje nga policia e pushtetit te prokurorise dhe gjykatave si dhe ILDKP.” deklaron ish-Kryeministri.

Berisha i bën thirrje Presidentit Bujar Nishanit, Prokurorisë që të ndërhyjnë me forcën e ligjit për të vendosur para drejtësisë Kryeministrin Edi Rama. “Duke denuar me ashpersine me te madhe kete grusht shteti brenda shteti u beje thirrje:

1-Presidentit te Republikes te nderhyje me te gjithe forcen e kushtetutes dhe ligjit qe puçistet te marrin vendin e merituar.
-Prokurorise se shtetit te vendos urgjentisht para ligjit Edi Ramen dhe mercenaret e tij te sojit te trafikantit Ardian Çipa, qe shkelin ligjet dhe kushtetuten e vendit
-Qytetareve shqiptar qe te ngrihemi me guxim per te mbrojtur ligjin dhe kushtetuten dhe te hedhim sa me pare puçistet dhe mercenaret e tyre aty ku e meritojne, ne koshin e plehrave!” përfundon reagimin ish-Kryeministri Berisha.