web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen hetimet e KQZ për Bushin dhe Rroshin

9 Qershor 2016, 06:42, Aktualitet CNA

Komisioni Qëndror i Zgjedhjeve ka përfunduar hetimet për formularët e dy kryebashkiakëve, Artur Bushi dhe Elvis Rroshi, për të cilët mori kërkesë nga prokuroria. Hetimet e KQZ-së janë përmbledhur dhe sot do t?i dërgohen Prokurorisë së Përgjithshme, e cila do të merret me verifikimet e mëtejshme për të konkluduar nëse dy kryebashkiakët janë apo jo subjekt i ligjit të dekriminalizimit. Sot, në orën 10:00, KQZ do të mblidhet për të zyrtarizuar dërgimin e kërkesave për prokurorinë, teksa gazeta ?SOT? ka siguruar dosjet e hetimeve të këtij institucioni, që do diskutohen.

KQZ konstaton se Artur Bushi nuk është dënuar në Shqipëri dhe se të dhënat e deklaruara në formularin e vetëdeklarimit përputhen me ato të gjendjes gjyqësore dhe gjendjes civile. E kundërta rezulton për Elvis Rroshin, i cili është dënuar nga Gjykata e Kavajës në vitin 2013 për veprën penale goditje për shkak të detyrës. ?Nga shqyrtimi i informacionit të lëshuar nga Drejtoria e Përgjithshme e Burgjeve, nuk rezulton të jetë i dënuar për vepra penale brenda vendit?, konfirmon KQZ për Artur Bushin.

Por për të dy kryebashkiakët mbeten të paqarta akuzat që rëndojnë mbi ta jashtë vendit, konkretisht në Itali dhe në Gjermani. Për këtë arsye, KQZ-ja ia kalon verifikimet prokurorisë. Kjo e fundit me anë të strukturës së ngritur për verifikimet, pritet t?u nisë shkresë zyrtare autoriteteve italiane dhe atyre gjermane për të marrë informacione të detajuara nëse Elvis Rroshi ka qenë apo jo i dënuar me vendim gjykate në Gjermani dhe nëse Artur Bushi ka qenë i dënuar në shtetin italian, shkruan e përditshmja “SOT”.

 





Lajmet e fundit nga