web counter
LEXO PA REKLAMA!

SHKARKO APP

App Store
Google Play

E fundit!

x

Anës sofrës i pangrënë...

9 Qershor 2016, 04:10, Aktualitet CNA

Mjerimi kosovar. Mbijetesa me një ndihmë sociale.

Familja Dibovi nga Lipjani janë në hall për bukë dhe veshmbathje. Fëmijët shpesh shkojnë në shkollë të pangrënë, sepse nuk kanë çfarë të hanë. Nënë Fazilja apelon për ndihmë

Familja Dibovi  po e kalojnë jetën në kushte të vështira ekonomike sociale, duke u përballur me mbijetesën. Dy prindërit e pesë fëmijëve nuk kanë mundësi të punojnë, kurse ata janë bërë barrë e institucioneve të vendit, duke përfituar një ndihmë sociale në vlerë prej 102 eurove. Por, as kjo shumë nuk ka zbutur varfërinë në këtë familje. Ndërsa, sipas kryefamiljares në këtë shtëpi Fazile Dibovi, ballafaqimi me jetën në këtë mënyrë është shumë i vështirë. Duke u preokupuar me realitetin prekës, atë e gjetëm të ulur para shtëpisë së saj në fshatin Sllovijë , komuna e Lipjanit, përderisa   ajo  ishte zhytur në kujtime të  thella. Gjatë bisedës me të, ne mësuam se  asaj i ndodh kështu shpesh që  të zhytet  në mendime  dhe të mos shohë asgjë përreth. Dibovi pohon se mungesa e gjërave elementare  shumë herë edhe ia zënë frymën, e veçanërisht  kur ajo ballafaqohet me kërkesa të fëmijëve . Ndërkohë, sipas saj, edhe shtëpia e ndërtuar falë bamirëseve tani nuk është e mjaftueshme për shtatë anëtarët e familjes,kurse vetë pohon se nuk kanë mundësi të bëjnë zgjidhje, shkruan sot gazeta “Kosova Sot”.

 

 

102 euro në muaj nuk dalin as për bukë

?Jeta me 102 euro në muaj për gjithë këtë numër anëtaresh është pamjaftueshme?,është shprehur ajo, duke pohuar se jo rrallëherë vjen në pikëpyetje edhe mungesa e ushqimit, mungesa e veshmbathjes, por edhe e gjithçkaje që e plotëson një jetë njeriu?, shprehet ajo. Përveç problemit të ushqimit, Fazilja thotë se aq e ka problem  edhe  mungesën  e veshmbathjeve.?Nuk mundesh t?i dërgosh fëmijët në shkollë të zbathur e të zhveshur. Ata janë të rritur dhe ua kanë lakmi bashkëmoshatarëve të tyre. Është ky edhe një preokupim tjetër i imi,  sepse fëmijët janë të rinj dhe se kanë nevojë  për t?u veshur e për t?u mbathur, sikurse edhe  fëmijët e tjerë. Por, kjo po iu mungon atyre ?, tha ajo. Si zonjë e shtëpisë, ajo pohon se e ka edhe një hall më shumë se çka t?u përgatisë fëmijëve, kur nuk ka se çka të përgatisë.? Tani, në këtë muaj të Ramazanit më është shtuar edhe një hall më shumë. Nuk kemi as gjerat elementare, po e përsëris edhe njëherë se  kemi nevojë për gjithçka. Andaj, të shtrënguar nga kjo gjendje e rëndë ekonomike po apeloj për ndihmë. Me të vërtetë jemi në hall nuk di se nga t?ia mbajmë?, është shprehur ndër të tjera kjo zonjë e përvuajtur nga jeta.

 

 

Ajo thotë se, përveç ushqimit dhe veshmbathjes që janë në mungesë të tyre, hallin e ka se si ta zgjerojë shtëpinë, ngase të shtatë anëtarët e familjes jetojnë vetëm në dy dhoma. ?Fëmijët po rriten dhe tani si kurrë më parë kemi nevojë për zgjerim të ambientit. Të paktën edhe për dy dhoma. Por,kjo pa na ndihmuar dikush, mendoj se do të mbetet vetëm një ëndërr e parealizuar?,  ka nënvizuar Fazilja.

 

Fëmijët shkojnë në shkollë të uritur

Fazilja thekson se  katër fëmijë i ka ë shkollë, por ajo mërzitet kur ata i nis pa u dhënë edhe ndonjë centë të vetëm, përderisa ka shtuar se  ka pasur raste kur edhe i ka dërguar edhe pa ngrenë e pa pirë gjë.?Është gjeja më e vështirë që mund të përjetojë dikush. Por, çfarë të bëjmë, nuk kemi mundësi të bëjmë më shumë?, theksoi ndër të tjera ajo. E humbur në kujtime, ajo lutej për ditë më të mira,përderisa thoshte se hëpërhë janë të paarritshme.?Ndoshta një ditë do të bëhet mirë, por tash për tash është realitet i  hidhur ky?,u  shpreh ajo me lot në sy. Ndërkohë, Suadi, djali i vogël njëvjeçar i saj, sigurisht se nuk ishte i njoftuar për hallet e nënës së tij. Ai po qëndronte në krahët e nënës,përderisa jeta që zhvillohej jashtë ambienteve të kësaj shtëpie i bënte përshtypje më shumë se biseda që zhvillohej aty. Fazilja nuk di se çfarë të bëjë në këto kushte të rënda. Ajo lut të gjithë njerëzit qëllim-mirë që t?i ndihmojnë me aq sa kanë mundësi. ?Lutna të na ndihmoj dikush, nuk kemi asgjë, kemi mbetur pa kushte dhe në këto ditë Ramazani  vështirë se po ia dalim?, ka thënë ajo.

 

Për të gjithë ata të cilët kanë mundësi t?i ndihmojnë kësaj familjeje këtë mund ta bëjnë në numrin 045 699 425 

(Kosova Sot)





Lajmet e fundit nga