E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Paketa e thjeshtimit të procedurave për biznesin/ Ahmetaj: Nuk ka më kontrolle surprizë

8 Qershor 2016, 21:01, Aktualitet CNA

Ministri i Financave, Arben Ahmetaj është shprehur se nuk do të ketë më kontrolle surprizë nga inspektorët e tatimeve tek bizneset. Në fjalën e tij gjatë mbledhjes së Këshillit Ekonomik Kombëtar, Ahmetaj foli për paketën e thjeshtimit të procedurave për biznesin.

Ministri tha se do të ketë shkurtim të procedurës së çregjistrimit të një subjekti, duke e kaluar në vetëm 10 ditë. Ahmetaj shtoi se lëshimi i faturës tatimore kompjuterike ka qenë kërkesë e shpeshtë e biznesit dhe vetëm 350 subjekte në 20 vite kanë përfituar nga fatura kompjuterike. “Me ligj mund të fitojnë drejtpërsëdrejti 40 mijë subjekte në potencë, me një të rënë të lapsit, duke thjeshtuar atë ecejake me tatimet, me blloqet e faturave që vetë i keni shprehur që kanë qenë ngatërresë dhe ngarkesë.” vijoi Ministri i Financave.

Më tej ai theksoi se do të hapet mundësia për vetëkorrigjim të bizneseve. “Vijmë tek ajo që unë e quaj ?qershia mbi tortë? mundësia për vetëkorrigjim. I jepet biznesit, sipërmarrjes e drejta për t’u vetëkorrigjuar në 5 vitet që kanë kaluar, pa penalitet. Pra ju për herë të parë keni të drejtën të vetëkorrigjoheni për 5 vitet që kanë kaluar pa penalitet. Pra duke qenë në tryezë të punës, një ditë keni dyshim për bilancin tuaj, mund t’i ktheheni, të vetëkorigjoheni, të jeni të formalizuar 100% pa asnjë penalitet dhe kjo ndodh për herë të parë dhe kjo është një shenjë e barazisë midis administratës dhe ju, administrata ka të drejtë t?ju kontrollojë për 5 vitet që kanë kaluar, tani juve u jepet e drejta të vetëkorrigjoheni për 5 vitet që kanë kaluar.” tha Ahmetaj në fjalën e tij.

Lidhur me kontrollet e tatimorëve, Ahmetaj tha se bizneset do lajmërohen për auditet e thelluara 45 ditë para marrjes së kontrollit të plotë. “Nuk ka më kontroll suprizë. E mbani mend që Kryeministri ju ka thënë që nuk kemi qëllim ?t?ju kapim gafil? në punën tuaj. Unë qoftë tek Ekonomia, qoftë këtu, e kam theksuar se nuk është qëllimi që të kapim bzineset në gabim dhe tani vjen një instrument ligjor në fakt. Instrumenti ligjor është që bizneset lajmërohen për auditet e thelluara 45 ditë para marrjes së kontrollit të plotë, pra brenda këtyre 45 ditëve ju keni të drejtë sërish të vetëkorrigjoheni dhe nuk do të merrni atë gjobën prej 100%, por do të merrni gati gjysmën e penalitetit, pra e imagjinoni që ju vjen një letër 45 ditë më parë, do të njoftoheni se përse kontrolloheni, pse kontrolloheni për shkak të riskut, çfarë tatimesh dhe taksash, kush janë audituesit dhe sa do të rrijnë audituesit?” theksoi Ahmetaj.