web counter
LEXO PA REKLAMA!

SHKARKO APP

App Store
Google Play

E fundit!

x

Defekte në tubacionin kryesor/ Nesër probleme me furnizimin e ujit në Durrës

5 Qershor 2016, 20:14, Aktualitet CNA

Dy defekte të rënda në tubacionin kryesor 700 mm që furnizon me ujë të pijshëm qytetin e Durrësit dhe rrethinat e tij kanë ndodhur ditën e sotme, njofton Ujësjellës Kanalizime Durrës. Defektet kanë ndodhur në Fushë Kuqe, afër stacionit të pompimit dhe tjetri në Xhafzotaj.

Për këtë arsye gjatë ditës së nesërme do të ketë probleme në furnizimin me ujë të pijshëm. Aktualisht dy grupe pune të UKD-së kanë mbërritur në vendet ku kanë ndodhur defektet dhe po punojnë për riparimin e tyre. Gjatë ditëve të fundit kanë ndodhur shumë defekte të ngjashme duke sjellë shumë probleme dhe çrregullime në oraret e furnizimit me ujë të lagjeve të qytetit.

UKD kërkon mirëkuptimin e qytetarëve në lidhje me problemet që janë krijuar në lidhje me furnizimin normal me ujë të qytetit, por thekson se shkak për defektet e shpeshta në rrjetin e furnizimit me ujë është gjendja tejet e amortizuar e tubacionit që sjell ujin nga Fushë Kuqja deri në Durrës. Ky tubacion është prej çeliku dhe është ndërtuar në vitin 1972.





Lajmet e fundit nga