E fundit!

11:14 Aktualitet

Zbulohet "projekti"/ "Kumbari" që i thotë "f*ck you" popullit të tij, kërkon të bëhet mbret

Deputeti i Partisë Demokratike, Belind Këlliçi, ka akuzuar...

Sot nuk kishte parlament, por mbledhje të KPD të PS

2 Qershor 2016, 19:30, Aktualitet CNA

Nga Alban Daci

Dita e sotme e Parlamentit mendohej te ishte më e thjeshte për shkak të mungesës së Opozitës e mbi të gjitha të Berishës, i cili është simboli i debatit parlamentar. Deputetët e PS ishim të lumtur, sepse sot mendonin të shkonin shpejt në votime, pasi nuk ishte Berisha që do t?i mbante gjatë në diskutimet e tij me përmbajtje kryesisht akuzash.
Në fakt kjo ditë nuk rezultojë kështu, por shumë me e vështirë. Për të gjithë të pranishmit si dhe për ata që e ndoqën live, dita e sotme nuk ngjante si një seancë parlamentar, por si një mbledhje e Këshillit të Lartë Drejtues të Partisë Socialistë në kohën e Nanos i mbushur me debate, përplasje e sharje.
Momenti më i nxehtë i kësaj të enjte ishte debati dhe replika e vazhdueshme mes Saimir Tahirit dhe Ben Blushi, ku i pari tentojë ta quante këtë të fundit si jo më socialistë. Ndërsa Blushi replikojë duke e cilësuar Tahirin si rilindas dhe jo socialistë, ai bërë akuza të forta për skandalet e fundit duke thënë se: ?nëse për të qenë socialistë duhet të identifikohem me këto skandale, atëherë unë nuk jam më socialistë?.
Nga salla si gjithmonë kur flet Bushi munguan replika e dhe reagime, por këtë të enjte ishte zgjedhur Brace që të komunikonte disa herë me Idrizin duke i tërhequr vëmendjen për respektimin e rregullores dhe të rendit të ditës.
Kjo le të themi ishte një tentativë e dështuar e Braces për ta mbajtur të mbyllur debatin e ashpër brenda partisë. Thirrje të Braces për të respektuar rendin e ditës dhe të rregullores nuk e respektojë as ministri Tahiri që vazhdojë të replikonte me Blushin.
Seanca e sotme tregojë se PS ka probleme serioze të brendshme dhe këto nuk lidhen vetëm në raport me Opozitë. Pra, PS u duk qartë se sot nuk kishte nevojë për Berishën apo PD, sepse kishte Blushin që me argumentet e tij dhe artikulimin e tij ishte më i ashpër dhe bindës se kushdo.
Problemi i PS nuk ishte vetëm përplasja e ashpër e brendshme, por edhe mungesa e numrave për të kaluar propozimet e ligjeve. Kjo lidhet me faktin, se sot Hafizi e Blushi kanë deklaruar se janë formalisht dhe për çështje kohësh tek PS duke aluduar se ata s?do të jenë më të PS dhe nuk do të votojnë më propozimet e saj.
Po ashtu në sallë mungonte edhe deputeti Ndocaj, që sipas burimeve ai është jashtë shteti, por sipas informacioneve të sigurta flitet se ai tashmë është i lodhur nga indiferentizmi i Ramës dhe i forumeve të PS e ndoshta do të ketë një qëndrim konkret e të prerë në lidhje me këtë sjellje.
Nëse kjo është e vërtetë atëherë PS i largohen edhe tre deputetë. Nuk dihet nëse Ndocaj do të largohet e nëse do të bashkohet me Blushin, por zyrtarisht PS nuk është më shumicë në Parlament dhe me një situatë të tillë të re, i bie që LSI dhe PD mund të krijojnë një shumicë të re në Parlament për të përgatitur zgjedhje të reja ose për të qeverisur deri në zgjedhjen normale të 2017.
Një gjë është e sigurt se PS dëshmojë qartë tek opinioni publik ndarjen e saj në socialistë e rilindas si dhe mungesën e shumicës për të vazhduar qeverisjen.