Shënim/Sa milionë euro na kushtojnë kapriçot e Erion Veliajt?

14 Maj 2016, 11:53, Aktualitet CNA

Kryebashkiaku i Tiranës Erion Veliaj, ka filluar një betejë për të rrëmbyer një pjesë të pronave private pranë Kopshtit Zoologjik, pranë liqenit artificial dhe për ti tjetërsuar ato në xhep të tij apo klientëve të tij të ndërtimit, kjo ngelet për tu sqaruar ende se çfarë interesash fshihen.

Megjithse ka leje ndërtimi me firmën e Edi Ramës, projekte dhe studim të miratuar nga Komiteti i Digave, megjithse janë investuar qindara mijë euro për projekte, megjithse janë derdhur miliona të tjera taksa, janë investuar miliona të tjera në hapjen e gropës dhe forcimit të digës, Erionit nuk i pëlqejnë të gjitha këto, por më shumë i shijon kapriço e tij e cila në finale ka një kosto të frikshme për qytetarët e Tiranës.

Kjo sipas vetë argunmentave dhe logjikës të përdorur nga kryebashkiaku që vetëm fitimin e vlerësoi 220 milionë euro. Faktet po i rendisim më poshtë.

Kryebashkiaku i shumicës së votuesve në Tiranë, shkon dhe proteston përpara gjykatës duke sulmuar dhe intimiduar në mënyrë kriminale një trupë gjykuese, skandal që shkoi deri në SHBA dhe solli një letër shqetësuese nga Kongresmeni David Jolly tek Ambasadori i SHBA-ve në Tiranë Donald Lu. Kjo protestë duket të jetë kriminale për një argument të thjeshtë ligjor. Erion Veliaj ka kompetencë ligjore të anullojë lejen e ndërtimit për arsye ligjore. Pse nuk e bën këtë por shkon si bandit sulmon gjykatën?

Edhe kjo ka një përgjigje të thjeshtë. Veliaj nuk e anulon lejen e dhënë nga shefi i tij Edi Rama, pasi ajo leje është e rregullt dhe nuk ka asnjë shkelje ligjore, dhe anullimi i saj do ti sillte një dëm të madh bashkisë të Tiranës. Shuma mund të jetë qindra milionë euro, disa herë më e madhe sesa buxheti vjetor i Bashkisë Tiranë. Dëmi do i vinte nga një gjykim që nuk fillon dhe mbaron tek Apeli i Tiranës. Anullimi i një leje të ligjshme, bllokimi i punimeve, kostot, fitimi i munguar etj, në Strasburg do e kryqëzonin Erin bashkë me kapriçon e tij prej të marri.

Këtë Veliaj e di mjaft mirë prandaj shkon dhe sulmon gjykatën, kur është i vetëdijshëm se objekti është me leje të rregullt dhe ka çdo document ligjor.

Nga ana tjetër në rast se Veliaj kërkon të zgjerojë zonën e parkut të liqenit, së pari duhet të zbatojë procedurat ligjore. Që ta kthejë në pronë publike duhet të shpronësojë pronarët e ligjshëm. Vlera e truallit në atë zonë është një tjetër vlerë disa dhjetra milionë euro, të cilat Veliaj dhe qeveria nuk i paguajnë dot për disa dekada. Këtu po të fusim edhe dëmin që mund të vijë nga anulimi i lejës, apo bllokimi i zhvillimit të zonës kostoja shkon si dëm ndoshta sa 700 milionë eurot e borxhit të shtuar në buxhet.

Kostot që Veliaj po i jep Tiranës me një kapriço të tij, për një pallat tek Kopshti Zoologjik, janë marrëzia e rradhës që vjen nga një individ që duhet hetuar penalisht jo vetëm për protestën, por edhe për çmendurinë dhe pasojat që po i jep banorëve të Tiranës duke I zhyrtur në një borxhe që ndoshta do duhen duisa breza ta shlyejnë./citynews