web counter
LEXO PA REKLAMA!

SHKARKO APP

App Store
Google Play

Spartak Ngjela: E kam paralajmëruar çiftin Meta-Balili në Sarandë

13 Maj 2016, 19:24, Aktualitet CNA

Avokati dhe Kreu i Partisë Ligj dhe Drejtësi, Spartak Ngjela shprehet se shqiptarët kanë hyrë në kohën reale të historisë së tyre. Përmes një postimi në rrjetet sociale, Ngjela shkruan se më herët e ka paralajmëruar implikimin Meta-Balili në trafikun e narkotikëve.

Ja çfarë shkruan Spartak Ngjela

Berisha është trembur për Metën në lidhje me Kapon e drogës, Balili.
As një muaj më parë, në një nga statuset e mi e kam paralajmëruar çiftin Meta-Balili në Sarandë.
Tani e dinë të gjithë shqiptarët. Por Berisha është i shqetësuar për Metën, dhe me infantilizem kërkonte t’ia faturonte Rames. Nuk ka nevojë të lodhesh Sali: atje ku është Meta e dinë se të kujt janë Balilajt… hahaha.
Ndërroje trajektoren Sali, se në Parlament janë më tepër se 2/3 e deputetëve që do ta votojnë Reformën në Drejtësi. Kot vërtitesh më rrotull Rames, se luftën politike nuk e ke me Ramen, por e ke me Amerikën, veçse luftën politike me Shtetet e Bashkuara të Amerikës nuk e fiton dot. Nuk kanë ç’t’i bëjnë më Shqipërisë armiqtë e saj, se ka ikur koha kur pushtetet politikë në Shqipëri vendoseshin me shitjen e interesave të shqiptarëve. Erdhi koha reale në Shqipëri.
Të gjitha regjimet shqiptarë në 100 vjet kanë punuar me kohë imagjinare, për t’ia fshehur kohën historike reale shqiptarëve.
Tani ne shqiptaret më në fund kemi kapur kohën tonë reale, dhe nuk e kthen më dot kush këtë kohë: Europa, si Bashkim, është vendi ynë me kohën tonë reale të historisë sonë. Shqipëria e kapi përfundimisht ate qe kishte humbur: Europen Perendimire… dhe jo vetëm shteti shqiptar, por e gjithë bota shqiptare në Ballkan. Sot në Ballkan jetojnë 7.8 milionë shqiptarë që janë futur më në fund në kohën reale të historisë së tyre.





Lajmet e fundit nga