web counter
LEXO PA REKLAMA!

SHKARKO APP

App Store
Google Play

Shukriu, një zbulues talentesh i keqkuptuar

13 Maj 2016, 12:19, Blog CNA

Mbrëmë ndoqa me shokët një emision që nxjerr në dritë të paekspozuarit.
Dhe bëjnë mirë që na iluminojnë se në këtë vend ka njerëz që punojnë fort po nuk u mësohen të mirat.
Më erth fort keq që nuk e kënduan siç duhet përpjekjen mathore të një djali pelivan, kryetar bashkie. Ai po përpiqej të ngrinte një galeri arti në qytetin e varfër verior, që populli artdashës po i pagdhendur të mirrte vesh ç?bënet në artet figurative. Për këtë, kish marrë vetë persipër edhe perzgjedhjen e stafit, që të ishte sa më avropian, i kulturuar dhe me vizion për të arthmen, siç qe vajza e re njëzetvjeçare.
Plot dy muaj të tërë kish folur me të që të kuptonte njohuritë dhe platformën e saj.
Si të mos mjaftonte kjo, ai erth në Tiranë që të shquante më mirë talentet e saj, siç besoj që e mbani mënt, që ia tha në video. Se siç na e kanë thënë, punë ka por duhen profesionistë, e ata duhen parë, vëzhguar, kualifikuar që të punojnë më mirë. Kryetari deshte të dinte se cilat qenë pikat e saj të forta, prirjet e saj, rrymat e preferuara, artistët që kishte më përzemër vajza, që vizioni i tyre rë ngrinte një galeri. Dhe kryetari qe mprehur. Nuk i durohej. Mundohej për këtë popull, për këtë vënt, për direktivat avropiane, për artin dhe të bukurën e tij. Aq sakrifikonte, sa kish gënjyer edhe bashkëshorten.
Por ne e keqkuptuam dhe e paragjykuam atë dhe punën e tij në ekip-se punët e mira bëhen në ekip. Gjithë ç?dëgjuat, siç qe përshembëll ?rrushi? janë forma komunikimi mes një stafi të afërt, që krijojnë klimë të mirë bashkëpunimi. Më erth keq që e shkarkuan nga detyra. Ai po punonte për atë vend-në shi e në diell, me makinë pa dritë, se i pat xhamat e errët, gjate javës e në fundjavë, në Dibër e jashtë saj, në Tiranë, i veshur me rroba të thjeshta e të grisura. Se kështu janë njerëzit e thjeshtë, vetëmohues, të paepur e të pandalshëm!

I Juaji, i Drejti dhe i Pacensuruari, Dr.Gjilpëra, për pasqyre.al





Lajmet e fundit nga