web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot MYFTARAJ/ Shqiptarë të Maqedonisë, nesër në kafeteri jo në shesh, lereni të shkallëzohet konfliktin politik të sllavo-maqedonëve mesveti!

8 Maj 2016, 19:14, Aktualitet CNA

Shqiptarët e Maqedonisë duhet ta dinë se në të gjithë prognozat që kanë bërë zyrat e specializuara të SHBA dhe BE për kërcënimet që i vinë stabilitetit në Maqedoni, skenari i rastit më të keq është konflikti politik i sllavo-maqedonëve mesveti. Sot ky konflikt është duke u shkallëzuar si kurrë më parë.
Prandaj, për shqiptarët e Maqedonisë, më tepër se kurrë është koha që të rrinë thjesht në pozitën e shikuesit, në konfliktin politik që kanë sllavo-maqedonët mes veti, a thua se këto zhvillime në Maqedoni janë duke ndodhur diku në Amerikën Latine dhe shqiptarët janë duke i përcjellë përmes televizionit.
9 majin e vitit të kaluar, banda e kinse UÇK, në Kumanovë, e paguar me paret e Mijallkovit, bëri një kinse aksion luftarak pikërisht atëherë kur i interesonte Gruevskit, për të shërbyer si shkak për pezullimin e protestës së opozitës maqedone, që do të mbahej një javë më vonë, me ç? rast lideri opozitar Zaev kishte paralajmëruar publikimin e audiopërgjimeve për çështjen ?Monstrum?. Me këtë do të shkohej deri te lufta civile mes vetë sllavo-maqedonëve. Pas ngjarjes së Kumanovës, Zaevi kuptohet nuk mund të publikonte audiopërgjimet për ?Monstrumin? se sllavo-maqedonët do të mendonin se kjo do t? i shërbente shpërbërjes së vendit.
Tashmë, shqiptarët e Maqedonisë, me protestën e 9 majit, bëjnë të njëjtin gabim, në fakt krim politik, si banda e Kumanovës vitin e kaluar, e cila bëri rolin e skuadrës zjarrfikëse të Gruevskit.
Ata të cilët iu kanë bërë thirrje shqiptarëve të Maqedonisë për tubime në sheshe, aq më tepër në kryeqytetin e vendit në Shkup, janë ose naivë ose provokatorë të shitur, në shërbim të atyre që përgatisin skenare gjakësore në këtë vend. Skenarë që në çdo rast do të jenë në dëm të shqiptarëve.
Maqedonia ka hyrë në një kurs me shumë të papritura ku SHBA dhe Bashkimi Europian po humbin çdo ditë e më tepër kontrollin mbi kursin e ngjarjeve në vend. Për shkak të marrëzive globale që ka bërë Administrata e Obamës, reputacioni i SHBA në Europë dhe posaçërisht në Ballkan, gjendet sot në pikën më të ulët historike. Prandaj, nëse në këtë situatë shqiptarët e Maqedonisë kryejnë veprime që japin shkak me mendjelehtësi për t? u aktivizuar skenarët gjakësorë, dëmi do të jetë shumë më i madh për shqiptarët se në çdo rast tjetër.
Nacionalistët historikë maqedonë, VMRO-DPMNE duan të vendosin në vend një diktaturë të ngjashme me atë të partisë AKP në Turqi, me Gruevskin si ?Erdogan?, duke u paraqitur si forca e vetme në vend që kanë aftësinë për të ruajtur stabilitetin për të cilin janë aq të interesuar SHBA dhe BE. Por nacionalistët maqedonë janë gjithashtu edhe forca kryesore në vend që e kërcënon këtë stabilitet.
Në situatën ku gjenden sot nacionalistët maqedonë, të fajësuar nga SHBA dhe Bashkimi Europian për shkatërrimin e demokracisë në vend, ata do të jenë shumë të lumtur që të gjejnë një shkak për ta zhvendosur me anë të një skenari të llojit të inxhinieringut të ngjarjeve, vëmëndjen e ndërkombëtarëve nga zgjedhjet e shtyra, që nuk dihet vërtet se kur do të mbahen, në një situatë të luftës etnike, për të cilën faji do t? u mbetet shqiptarëve.
Nëse shqiptarët e Maqedonisë nuk bëjnë marrëzinë që t? u japin mundësi sllavo-maqedonëve të kryejnë skenarë që do ta zhvendosin fokusin e ngjarjeve, atëherë do të shohim se skenari ?Monstrum? do të ndodhë hapur në sheshet e Maqedonisë, si vrasje masive politike mes vetë sllavo-maqedonëve.
Pas kësaj do të ketë një Maqedoni tjetër, krejt të ndryshme nga kjo që është sot. Një Maqedoni ku pozita e shqiptarëve do të jetë krejt e ndryshme nga cfarë është sot.Që të ndodhë ky zhvillim i mirëseardhur, shqiptarët e Maqedonisë nuk duhet të bëjnë veçse një gjë: të rrinë shikues.
Nesër dhe gjatë kësaj vere, në Maqedoni, shqiptar i mirë, atdhetar, është ai që rri në kafiq, jo ai që del të protestojë në sheshe.





Lajmet e fundit nga