E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Nga Kastriot Myftaraj/ A e futën Shullazin në kurth zyrat speciale sorosiane?

20 Prill 2016, 20:09, Aktualitet CNA

Qelia apo biruca është një vend i mirë për t? u menduar. E kam provuar vetë këtë për tetë ditë në vitin 2003, kur kam qenë i arrestuar për nxitje të urrejtjes, akuzë për të cilën mora pafajësinë në gjykatë. Atje, duke menduar të ndizet befas në tru një llampë që të ndriçon për shumë anë të errëta të forcave dhe interesave që të kanë çuar atje. Dhe kështu pajisesh me njohuritë që të mungonin për t? u përballur me to.
Shullazi tani ka mundësi të mendohet gjatë. Të vërtetën më mirë se cilido e di ai vetë. Nëse kanë thënë të ngatërrohet në zgjedhjet universitare, ky ka qenë një kurth i ngritur për të nga zyrat speciale sorosiane. Nuk ka rëndësi se me çfarë e kanë joshur për këtë gjë. ?Rilindja? Sorosiane, me pak më tepër shpenzime mund t? i blinte zgjedhjet për rektor të Universitetit Publik të Tiranës pa pasur nevojë për ndërhyrjen e Shullazit. Hyrja e Shullazit në lojë u duhej vetëm në një skenar, atë të sakrifikimit të tij, për të thënë se koha e ?Al Kapone?-ve(figuracion i përdorur nga ambasadori amerikan) të paprekshëm ka kaluar. Kështu thanë Rama dhe Tahiri pas arrestimit të Shullazit. Me këtë zbuluan si pa dashje skenarin. Këto janë skenare të rëndomta për zyrat speciale sorosiane. E bënë me Zan Çaushin në 1997, të cilin sorosianët e bënë kult në televizionet dhe gazetat e mëdha të botës, me qëllim që ta sakrifikonin më pas, duke i thënë botës se shteti ligjor nuk nguronte para kapobandës më të njohur të atij viti.
Shullazi e di mirë se çfarë përmbysjeje ka sjellë fuqizimi i tij në balancën e fuqisë të underground shqiptar, çfarë ekuilibrash ka prishur, çfarë forcash ka bërë të pakënaqura, madje i ka bërë që të ndjehen të rrezikuara, forca që janë në gjendje të bëjnë shantazh me njëmijë e një mënyra ndaj qeveritarëve të sotëm.
Nëse Shullazin e kanë tërhequr në kurth me rastin e zgjedhjeve universitare, këtë gjë më mirë se askush e di vetë ai. Në këtë rast rruga më e mirë për Shullazin është që t? i adresohet drejtpërdrejt ambasadorit amerikan duke i kërkuar që SHBA, superfuqia që e përfoli emrin e tij, t?i garantojë mbrojtje për të dëshmuar. Edhe nëse Shullazi nuk e bën këtë gjë, këtë ofertë duhet t? ia bëjë atij Ambasada Amerikane. Nëse ambasadori amerikan nuk e bën këtë, atëherë gjithë angazhimi amerikan për reformën në drejtësi tretet në ajër bashkë me fjalët.