web counter
LEXO PA REKLAMA!

SHKARKO APP

App Store
Google Play

E fundit!

x

Mediu: Kandidimi i Ylli Shehut, diçka e pavlerë për PR

5 Prill 2016, 17:25, Aktualitet CNA

Kryetari i Partisë Republikane, Fatmir Mediu është shprehur se kandidimi i Ylli Shehut në zgjedhjet parlamentare të vitit 2013, ishte diçka e pavlerë për PR-në. Në një intervistë për gazetarin Çim Peka, Mediu tha se sëmundja e pazarit nuk është karakteristikë vetëm e qeverisjes së sotme.

Pyetjes “A jeni penduar për listën e deputetëve të 2013-s? Është një fakt real, çdo vit ju ka ikur nga një deputet”, Mediu i është përgjigjur:

Atëherë çështja nuk është nëse jam penduar apo jo, çështja kërkon një lloj reflektimi të drejtë. Por unë pyetjen e shtroj pak ndryshe, kush është kuti që i mat njerëzit, integritetin dhe karakterin e njerëzve? Padyshim që unë kam ecur në karrierën time politike sepse më janë dhënë shanse dhe mundësi, edhe PR është përpjekur tu japë shanse dhe mundësi disa njerëzve për të qenë pjesë e grupit parlamentar dhe Kuvendit të Shqipërisë që ndonjëherë ndoshta dhe nuk e kishin ëndërruar. Amerikanët kanë një shprehje ?easy comes, easey goes? dhe ndoshta këtu është përgjegjësia që kërkohet një analizë ndoshta më e thellë e atyre që kandidojnë dhe marrin përsipër për të përfaqësuar një qëndrim politik të caktuar. Zoti Duzha ka qenë një aktivist i Partisë Republikane për më shumë se 13 vjet dhe zgjedhja e tij ka qenë një zgjedhje e njëanshme, padyshim duke lënë një shije të hidhur edhe në raportet politike edhe në raportet personale sepse e kam njohur prej vitesh dhe nuk e kam kuptuar asnjëherë realisht qëndrimin dhe vendimin e tij. Kurse për sa i përket zotit Shehu unë mendoj që nuk ka vend për të folur, ishte absolutisht një gjë e pavlerë që bëri PR në mënyrë të veçantë unë me kandidimin e tij, me idenë që kishte një prejardhje të plotë dhe të qartë të djathtë, por që për fatin e keq sëmundja e pazarit nuk është se ka zënë vetëm qeverisjen e sotme, ka gërryer në nivelin lokal edhe në nivelin qendror edhe në nivelin e deputetëve, edhe të djathtën.





Lajmet e fundit nga