web counter
LEXO PA REKLAMA!

SHKARKO APP

App Store
Google Play

E fundit!

x

Protestuesi në pranga, banditi në parlament

29 Mars 2016, 08:56, Aktualitet CNA

Një foto që flet shumë. Por jo për të gjithë, pasi jo të gjithë e kanë mundesinë ta njohin ?djaloshin?, që shoqëroi dje policia.

Ai është Grigels Mucollari, një nga drejtuesit e FRPD në vite, anëtar i Këshillit Kombëtar të PD-së. Është i martuar dhe ka një fëmijë. Bëra një hyrje të shkurtër me pak histori për të treguar se kush ishte ?banditi? i arrestuar dje tek liqeni. Të tillë janë edhe 15 të rinjtë e tjerë që dhunshëm u tërhoqen zvarë nga policia. Mora këtë shembull pasi e njoh më mirë se të tjerët dhe në këtë rast ishte simbolika e asaj proteste.

Dhunë dhe përplasje në protesta ka kudo në botë, Greqia këtu afër bëhet flakë e tym, në Maqedoni, Itali dhe kudo ku ka protesta incidentet janë të pashmangshme, pasi turma është turmë. Por dje në fakt dhuna ishte totalisht e shmangshme dhe skishte pse të kapërcente kufijtë e hapësirës që jep ligji për protestat.

Policia arrestoi disa të rinj dhe midis tyre Grigelsin. Kur pashë shoqërimin e tij vërtet mu duk qesharake. Policia po shpaloste triumfin e saj me një familjar dhe qytetar që është simbol për nga sjellja dhe kultura e tij.

Ndoshta çunat e policisë nuk e njihnin dhe vërtet kanë parë ndonjë veprim të nxituar të tij. Por të arrestosh Grigelsin në protestën e PD-së është fundi i sjelljes normale të një policie.

Asnjëherë në asnjë rast ai nuk ushtron dhunë. Asnjëherë në asnjë rast ai nuk konfliktohet. Asnjëherë në asnjë rast ai nuk shkel ligjin. Asnjëherë në asnjë rast ai nuk është as Saimiri e as Erion Veliaj që me protestat e tyre kanë shkatërruar institucionet e shtetit.

Ai që shihni në foto është ?banditi? për policinë e shtetit sepse si prind po mbron parkun nga betonizimi dhe këtë nuk e bën si demokrat por si qytetar, ky është ndryshimi në thelb. Ai është qytetari ?bandit? i pa mbrojtur nga shteti, i prangosur nga polcia, ndërkohë që banditët e vërtetë kanë imunitet, kanë pistoletë në brez, at qëllojnë plagosin dhe ska prova, ata bëjnë trafik dhe askush nuk i prangos. Banditët e vërtetë e kanë vendin në parlament, kurse Grigelsi e ka në protestë si qytetar ku prangoset se mbron parkun e liqenit që po e betonizojnë banditët dhe klientët e kryebashkiakut Veliaj dhe kryeministrit Rama./Elvi FUNDO

 





Lajmet e fundit nga